周浩鼎-種族中傷-min

周浩鼎 再喺假難民問題上9up就提報平機會

周浩鼎 喺財委會審議財政預算案果陣,走去自膠問最多假難民被遣返嚟自邊個國家,點知係中國。其實當政府咁答你 周浩鼎 果陣,你身為律師應該知道係時候收聲。中聯辦想退出酷刑公約一回事,但依家最多假難民嚟自中國,就係鐵一般事實,仲要見諸政府文件,上法院拗都無得拗。但 周浩鼎 仍然死頂,我相信 周浩鼎 同李梓敬呢幾件人渣都會死頂落去。

周浩鼎 隨時變成種族中傷

楊岳橋係大狀,佢仲有心情同 周浩鼎 慢慢猜波咁猜,但我就唔會咁客氣,根據《種族歧視條例》第45條第1款

任何人如藉公開活動,煽動基於另一人的種族或屬某類別人士的成員的種族的、對該另一人或屬該類別人士的成員的仇恨、嚴重的鄙視或強烈的嘲諷,即屬違法。

如果政府未俾資料, 周浩鼎 嘅言論都可以勉強用為學術、藝術、科學或研究的目的或其他符合公眾利益的目的,而合理地和真誠作出的公開活動(包括對任何材料的討論及闡釋)作為免責辯護,但政府提供咗數據後,我睇唔到 周浩鼎 堅持已見係合理地,和真誠地作出,如果我要求平機會引用45條或46條作出檢控,最高判監兩年,搞到你 周浩鼎 議員連律師資格一併DQ都仲得。喺國籍淵源上,因為我係印尼裔,如果我嚟提告,恐怕平機會根據上次嘅案例,佢地都要理我嘅,屆時我真係食花生。

我相信張曉明係咁煽動假難民議題嘅真正意圖,係退出酷刑公約,方便差佬濫用私刑,但呢個世界乜嘢都有界線,如果呢個假難民議題係中聯辦煽動,就不如連張曉明都告埋,我睇世界各國點睇中聯辦呢班令中國喺國際社會上蒙羞嘅垃圾。中聯辦作為中央駐港機構,唯一工作係協調中央同香港之間嘅事,香港內部自治問題,唔該唔好日日喺度搞風搞雨,過去呢幾年,中聯辦搞出嚟嘅蘇州屎已經十分之多,去到一個令人難以容忍嘅地步,而假難民議題,更加係操作到一個違反香港內部法律嘅水平,如果香港政府要處理,證明你中聯辦班友野蠻,如果香港政府唔敢處理,香港所謂反歧視法律就會變晒無牙老虎,無晒喺國際社會上公信力,喺中國仲要吸外資(或走資)嘅時候,唔該你張曉明自己諗清楚。

發表迴響

你的電子郵件位址並不會被公開。 必要欄位標記為 *