選民登記-遺失-min

選民登記 電腦遺失事件:政府點解仲唔交代

喺亞洲博覽館後備特首選舉投票站,有全香港 選民登記 嘅後備電腦離奇失蹤事件,選舉事務處竟然只係發咗封信道歉就算,仲要封信係連啲formatting都搞到烏厘單刀,到依家都仍然未有任何確實嘅交代,或者賠償安排。

選民登記 遺失可能觸發全港換發身份證

一直以嚟,好多西方國家都反對ID Card一類Super ID,或者類似HKID之類嘅database super key index,除咗有私隱嘅考量,亦有保安嘅考量,因為一旦政府嘅central database有任何閃失,就會引發大規模嘅identity theft,呢件事會導致好多假證出現,特別依家係無一個免費Server去可以透過SmartCard晶片校驗證件真偽,令成件事變得十分之恐怖。好似依家香港嘅情況,唯一可以做,其實就係全香港換晒啲HKID Card,連ID Number嘅format都要全部更改,但大家諗吓,HKID Card呢個系統用咗咁多年,近廿年嘅香港人係連出世紙號碼都係身份證號碼嚟,一個如此powerful嘅ID搞到咁大件事,政府依家只係用封咁嘅信諗住hea市民?如果有銀行、金融機構或市民有損失,一旦引發大量索償官司,又諗住點處理,由得啲公帑不明不白咁攞咗去賠呀,唔係嘛?

依家政府係咁拖唔係辦法,政府最好交代一下,呢件事一旦洩漏嘅解決方案,唔好成日話,果部電腦有多重加密,對黑客嚟講,如果你多重加密都係用弱嘅演算法,成功爆到都係遲早問題,以選舉事務處寄封email都會format甩轆嘅情況嚟睇,好大機會所謂嘅加密,最強都係3DES,如果3DES都唔會短期內被人爆機,但遲早都會爆就係。我唔係太相信,政府會用到AES-192或以上強度咁醒囉,香港政府仲有一大堆政府公共服務,迫市民用IE咁X老土,你覺得政府會用最新科技加密市民嘅資料?呢樣嘢真係開玩笑到爆。

但可以肯定係,如果要搞HKID更新,唔該早啲公布,唔好搞到全民膠晒先公布。

發表迴響

你的電子郵件位址並不會被公開。 必要欄位標記為 *