TSA-min

TSA 嘅鬥爭 : 戰幔揭開 – 假如 John 當選我們嘅特首聯合連載 1

雖然,阿Sir喺投票日之日,已經好多晚無瞓過,要箍實泛民主派果三百幾票,同埋果啲冒險同中聯辦對抗嘅三百幾名選委,已經係好唔容易嘅事,只不過,阿Sir無任何休息嘅空間。一方面,阿Sir好清楚,泛民甚至田少同佢嘅策略聯盟,喺保送佢當選特首之後,就已經結束咗。另一方面,果啲無票嘅市民,其實期望十分之大,要做到「休養生息」呢個目標,並唔代表乜嘢都唔做,或者hea做,相反,有啲搞到民生十分疲憊嘅政策,係要儘早解決咗佢。而將會喺5月4日舉嘅小三 TSA ,依家改咗名做BCA嘅考試,就好明顯就好多市民嘅眼中釘,阿Sir 有無呢個能力去實現休養生息嘅目標,就好睇阿Sir做唔做得到,至少叫停咗5月4日果場考試,等小三學生可以安心放復活節假。

TSA 點解係第一個戰場

本身其實係教育家出身,對 TSA 一直好上心嘅阿Sir,喺星期日只係瞓咗三個鐘之後,就whatasapp咗阿聰,除咗要傾喺當日下午,同現任行政長官嘅禮節性會面傾啲乜之外,仲有一樣更重要嘅事要傾,就係點樣可以迫到現屆政府,可以取消喺五月舉行嘅 TSa 考試。

喺3月27日早上七點,阿聰、李淑儀、黎高穎怡幾個核心幕僚,已經返到喺合和中心三十五樓嘅辦公室。雖然政府已經安排咗冠君大廈做候任行政長官辦公室,但選舉期間,經常被一啲古古怪怪嘅人跟蹤嘅經驗,以及團隊成員之間,手機通訊經常出現沙沙聲等經歷,大家其實好清楚,合和中心呢個一般人無特別八達通上唔到去嘅辦公室,有可能係呢段時間最安全傾嘢嘅一個地方。

阿Sir一開口,就問到呢幾位核心幕僚,喺 TSa 問題上,可以點樣做,因為對好多家長嚟講,呢個復活節假期會係點過,就取決於他們嘅手腕。阿聰稍為飲咗杯熱咖啡,然後用一貫柔和、略帶高音,而緩慢嘅聲線,向阿Sir分析依家嘅困難:「CY同Eddie兩個都好勝,佢地都唔想輸,所以要佢地主動取消 TSa 並唔容易,只不過,我們應該同CY約星期三早上開會果陣,同時探一探佢地嘅口氣,如果口氣唔啱,我們要先發制人。未有準備就以為突襲到CY,恐怕CY玩返我們轉頭都有份。」
李淑儀同黎高穎怡都同意阿聰嘅睇法,阿Sir聽咗之後,就叫黎高穎怡同李淑儀兩個,分別同特首辦,同埋吳克儉辦公室嘅人探口氣,並且約咗喺晚上九點,再匯報呢件事嘅進展。

TSA 嘅鬥爭,成為咗新舊兩任特首嘅第一個交鋒戰場,漫長嘅交接期,依家至啱啱開始。

發表迴響

你的電子郵件位址並不會被公開。 必要欄位標記為 *