吳克儉-評估工具-min

如果用民調做評估工具, 吳克儉 應該一早炒咗

吳克儉 喺TSA問題,似乎仲堅持死撐,佢講到TSA係高效能,唔駛操練嘅評估工具,無評估工具就無問責,所以一定要保留。如果 吳克儉 咁X鍾意講評估工具,如果我用同樣係高效能、零風險,唔駛操練嘅評估工具,港大民調,你 吳克儉 應該一早炒咗,仲可以用公費係咁周遊列國咁X爽。

吳克儉 長期無民望

吳克儉-民望-min
吳克儉-民望-min

自港大民調由2012年同佢做民調以嚟,去到呢個月, 吳克儉 被罷免率長期高企,甚至呢個月去到咁耐以嚟最高嘅一次,喺政治學家嚟講,港大民調絕對係高效能、零風險,亦唔駛你 吳克儉 日夜操練,成績一直咁X差,如果我堅係講問責,點解 吳克儉 依家唔落台,仲可以係咁用公帑嚟周遊列國,如果政府官員認為考核係問責,咁要問責,點都係啲官員,而唔係啲細路。

細路仔係無責任被你班友係咁以問責之名考核,因為細路學唔到嘢,好可能係政府政策有關,例如普教中,就絕對係玩死細路嘅政策,我講華語比好多人流利,我都反對普教中,因為呢個只係會教出劣質嘅中文,我用香港語文寫政論咁耐,從來無影響到我用書面中文寫稿嘅表現,包括將啲稿交俾台灣同新加坡兩個非香港語文為本嘅國家,大家諗吓普教中究竟係唔係真係合情合理嘅做法,定係玩殘啲細路嘅洗腦政策。我相信普教中,以至教育局好多政策,根本係立心不良,為都係共產黨嘅利益。

反之, 吳克儉 既然係收公帑嘅,就應該接受公眾嘅評估,而公眾評估係唔要TSA同BCA,就唔好咁多藉口,連未來新特首林鄭月娥嘅話都唔聽,依家 吳克儉 只要有一個選擇,就係今年停考TSA或者BCA,如果 吳克儉 堅持要考,我呼籲公眾同家長撕爛啲卷,然後全部寄到 吳克儉 同張曉明嘅屋企,你們兩條仆街自己食飽佢,同埋清楚話俾呢兩條茂利聽,香港人認為兩條茂利唔及格,唔該喺香港人面前消失。

點解我要拖埋張曉明落水,因為政府堅持考BCA,應該係同張曉明間香港教育圖書有限公司嘅蟹貨有關,香港啲細路同家長,無責任幫你做錯決定嘅蟹貨埋貨,有乜事你自己同中紀委巡視組拆掂佢,唔好恰細路呀,死仆街。

發表迴響

你的電子郵件位址並不會被公開。 必要欄位標記為 *