十二道燶味-假動新聞

大榴槤做fake news幫 十二道燶味 塗脂抹粉

有網友認真研究十二道鋒味啲片,發現大量問題,包括走去磨有鋸齒嘅刀都得,有人剪咗 十二道燶味 出嚟,指出謝霆鋒喺節目度嘅問題(甚至係,好多人懷疑根本佢係唔識煮嘢),如果謝霆鋒有心拯救呢次關公災難,其實學黎明咁開誠交代最好,最多笑吓話因時間關係,好多嘢都做得唔好,然後整個特別版facebook live,俾大家睇佢啲廚藝真功架。反正大家都知,香港同中國拍嘢都好多偷工減料行為,搞到啲嘢好嘢都變膠嘢,呢個都唔係新聞。

只不過,如果有人以為用大榴槤四圍散布fake news過骨,呢個真係太過離譜。

fake news只會令 十二道燶味 更加燶

喺十二道鋒味穿崩片周圍有人share之後,好耐無出現過嘅大榴槤又出現,呢次用卡卡新聞嚟出現,因為之前乜嘢大馬時報、香港時報、kdo果啲,全部唔係真IP被人追到,就係被人舉報喺fake news消失喺facebook newsfeed。而呢個卡卡新聞,講到謝霆鋒擊敗英國 Gordon Ramsay咁誇,呢個已經好明顯被人睇到,明顯想用魚目混珠嘅SEO手法,希望offset十二道燶味對謝霆鋒嘅負面影響,而用到大榴槤,擺明係契丹人至做得出嘅事,因為香港公關公司用網絡水軍,好少用到大榴槤呢個咁令人反感嘅機構,被人捉到都會死得好慘。

只不過,更令人反感係,大榴槤班仆街,竟然搞咗個假嘅動新聞facebook page,連logo都係仿冒嘅(呢個真係仿冒,TVB嘅律師睇清楚嘞),意圖真係誤導公眾係嚟自蘋果嘅新聞,而且呢個page長期share香港蘋果嘅嘢,應該係養咗一段時間,專門執行一啲魚目混珠嘅project用。

十二道燶味-假新聞-min
十二道燶味-假新聞-min

大家係應該舉報卡卡新聞係fake news,大榴槤係唔可以放過,呢個亦係點解,一直以嚟我極力主張打擊大榴槤,甚至佢地喺香港嘅主機,應該起出嚟嘅原因,因為大榴槤呢班賊依家改變緊經營模式,由呃Google Adsense廣告錢,轉為幫啲人塗脂抹粉,用假新聞掩蓋新聞,呢種做法十分之無恥。打擊內容農場,人人有責。

發表迴響

你的電子郵件位址並不會被公開。 必要欄位標記為 *