林鄭月娥-上帝感召-min

林鄭月娥 又玩上帝感召論,玩夠未?

林鄭月娥 喺無預警情況下,採訪佢中學母校嘉諾撤聖方濟各書院,進行分享。本來, 林鄭月娥 返自己讀嘅中學分享係好事嚟,但又講上帝感召論,我覺得呢樣嘢,就有可能真係太過。作為一個政治領袖,一而再,再而三攞上帝嚟過橋,係令人反感。

林鄭月娥 做咗咁耐天主教徒無理由唔明天主教徒嘅低調

首先, 林鄭月娥 如果係一個堅天主教徒,無理由唔知天主教同依家好似保險sales sell人信教嘅基督教最大分別在於,天主教徒係強調低調,先做後講,連曾蔭權喺《Sunday Examiner》寫文,去咗咁多教堂贖罪,佢出文連前行政長官個朵都唔撻,而且Sunday Examiner最大讀者群係菲傭添。曾俊華簡直係,如果佢唔係選舉期間回覆選民來信,引用聖經金句,無人知佢都係天主教徒,鋪鋪都講自己上帝感召,我或者明白你做特首堅係好大犧牲,但呢個係令人反感,或者林鄭月娥,應該去睇一睇馬田史高西斯果套《沉默》。

而佢當選咗特首,更加唔可以講上帝感召,近代民主社會最講係政教分離,因為呢個城市係乜嘢信徒都有,如果 林鄭月娥 話自己係上帝感召而做特首,咁如果一個唔順氣嘅回教徒,可唔可以佢都係上帝感召,炸鬼咗添馬政總?作為一個全民嘅領袖,係唔可以將自己嘅宗教同政治混為一談,否則問題就會無日無之, 林鄭月娥 依家又講上帝感召論,我十分之懷疑終有一日佢會喺宗教問題整鑊甘俾大家嘆,跟住香港就日日喺宗教糾紛嘅漩渦中難以甩身,個個都難以平靜咁做人。

千祈咪話我危耳聳聽,首先,香港本來有一定量嘅回教人口存在,無論華裔回教徒(唔少係1949年後隨中華民國國軍逃離果批),印尼人(無論華人定持工作簽證嘅都有),同埋世代居港嘅巴基斯坦裔人士, 林鄭月娥 嘅言論係好容易被潛伏喺香港嘅宗教組織利用,然後搞風搞雨。另一方面,香港人唔係無信極端宗教嘅潛質,由雙氧水事件,到明光社嘅出現,到熱普城呢班友搞政治搞到信邪教咁,你覺得搞上帝感召堅係唔會搞出事?我個人對呢樣嘢,真係十分之擔憂同懷疑。

One thought on “林鄭月娥 又玩上帝感召論,玩夠未?

發表迴響

你的電子郵件位址並不會被公開。 必要欄位標記為 *