教育局-Dick Sound-min

Dick Sound ? 教育局 啲英文可以垃圾到乜程度

有人喺出入 教育局 啲辦公大樓果陣,發現 教育局 個門口,英文指引,將「啲」聲譯做「Dick」Sound ,大家睇完,啞晒。香港英文程度越嚟越差,隨時係由 教育局 內部開始。

教育局 班友唔知 Dick 字點解咁純情

Dick 呢個英文,老一輩知唔知當中不文意思,我唔知,但有上高登或facebook果啲,都應該知, Dick 字用香港語文最接近嘅譯法,就係個撚字,啲人講 dickhead,直接譯做撚樣,英文同香港語文喺呢方面嘅共通性係極強,幾乎當中翻譯甚少傳意上嘅流失。既然, Dick 字嘅香港語文其中一個可能意思,就係個撚字,咁點解要用 dick sound,唔通係高登仔混入教育局,喺呢啲告示上加咗粗口搏無人發覺咁硬膠?唔係嘛,咪玩喇。

我睇 教育局 竟然犯呢啲低級語文錯誤,一方面,反映 教育局 啲官員好多港英兩文水平都不甚了了,甚至更可能係唔少 教育局 啲官員,喺普教中嘅政策下,根本係中國留學,或中國派嚟嘅官員,呢啲人平日唔講香港語文,啲英文亦唔會學埋啲粗言穢語,對英文同香港語文嘅了解都好膚淺,所以唔意識到根本係粗口用字唔用得,所以一直等到有香港人當中細微之處,發現根本係膠到無朋友,亦因此暴露咗,依家嘅 教育局 ,已經變咗香港語文水準低落嘅真正根源,咁樣政府掟幾多落語常會(呢個會嘅名,又係未諗清楚當中諧音就亂嚟)度,都只會channel咗去啲土共或親政府膠人身上,對提升香港人嘅語文水平一啲實際作用都無嘅。

雖然 Dick Sound 事件係一件睇落好膠嘅小事,只不過,由於呢單嘢發生喺 教育局 ,呢個充分反映,由吳克儉領導嘅 教育局 ,內部已經爛到一個匪夷所思嘅程度,作為一個追求年年考第一嘅特首,林鄭月娥有責任去令到教育局回復正軌。如果呢種情況不處理嘅話,香港人一定要移民,並唔係因為政局太差,而係香港啲教育太垃圾,為咗下一代唔會被呢啲狗屎垃圾所累,所以被迫移民。以我所知,唔少人近年移民,都唔係因為梁振英嘅高壓統治,而係因為吳克儉管治嘅 教育局 ,實在太唔掂,吳得掂可以改名做dickhead。

2 thoughts on “Dick Sound ? 教育局 啲英文可以垃圾到乜程度

發表迴響

你的電子郵件位址並不會被公開。 必要欄位標記為 *