東江水-屎水-min

東江水 貴過海水化淡,仲買嚟做乜?

政府喺財政預算案初步回覆議員提問中披露,原來 東江水 嘅處理成本,係仲貴過由香港水域海水抽取嘅廁所水,呢個消息十分重要,香港應該考慮唔再續約 東江水 ,直至中國能解決 東江水 嘅污染問題為止。

東江水 衰過屎水

根據水務署對黃碧雲教授,議員(民主黨,九龍西選區直選議員)嘅提問, 東江水 依家每立方米生產成本(處理成本)係9.3港幣,呢個高過香港處理雨米嘅4.3元,同埋廁所水嘅5-6元成本,更重要係, 東江水 根本係貴過海水化淡。根據 DEVB(W)086,政府回覆郭家麒醫生,議員(公民黨,新界西選區直選議員)嘅提問,係咁答

擬議將軍澳海水化淡廠的食水產量將達到每日135 000立方米或每年 5 000萬立方米,並會預留空間擴展至每日 270 000 立方米或每年1億立方 米的最終食水產量。該廠生產食水的單位成本估計約為每立方米12至13元 (按2015年的價格計算),當中包括配水和客戶服務成本。我們於2015年 11月展開海水化淡廠的設計工作,並將會在設計過程檢討該廠的生產食水 單位成本。

但由於海水化淡係無購買成本,所以,實際買水成本應該咁演算

種類 每立方米成本
雨水 4.3
沖廁水 5-6
東江水 5.8+9.3=15.1
海水化淡 12-13

呢個政府根本搞語言偽術,既然 東江水 仲貴過海水化淡,咁點解唔儘早大量興建海水化淡廠,仲要飲比香港海域海水仲要污糟嘅 東江水 ?雖然香港搞海水化淡其中一個障礙,其實係香港海域同鄰近海域嘅污染,但依家情況十分之清楚,香港水域嘅污染其實喺一個可以接受嘅水平,而大規模海水化淡可以進一步降低成本,而改用海水化淡,係平過 東江水 三蚊,如果海水化淡嘅規模效益進一步展現,隨時可以比 東江水 慳好多,咁仲買 東江水 做乜?

如果 東江水 污染成咁,除非廣東省成本以零成本送 東江水 過嚟,否則都係買嚟把鬼,香港將 東江水 處理好賣番俾中國就差唔多。所以中國截斷香港水源就會死,根本只係一個神話,而數據係會說話,依家數據話俾大家聽,香港可以靠雨水同海水化淡解決水源問題,唔駛靠中國。

發表迴響

你的電子郵件位址並不會被公開。 必要欄位標記為 *