數碼聲音廣播-min

數碼聲音廣播 何以終結

特首會同行政會議決定, 香港電台嘅 數碼聲音廣播 終結,換言之,DAB格式嘅 數碼聲音廣播 即將消失。 數碼聲音廣播 之死,固然同政府唔推動有關,大家都知梁振英幾不遺餘力撲滅媒體嘅多元化,但依家香港全面網絡媒體化,其實大家亦知道, 數碼聲音廣播 要死,都只係遲早問題。

數碼聲音廣播 :收入與付出不成正比

雖然 數碼聲音廣播 需要嘅發射費用,以及投資費用浩大,但仍然比網上電台有盈利前景,因為網台唔知邊度搵收入,而網台要俾嘅bandwidth成本,亦相當昂貴,平均每位聽眾嘅播放成本,仍然係 數碼聲音廣播 優勝,而 數碼聲音廣播 攞住個牌可以收廣告,而網台,廣告又無,又唔知有無人俾錢買內容,都唔知憑乜嘢嚟賺錢,根本係無前景。

但4G同雲端興起,改變咗成件事,4G又快又穩定,又入到港鐵,反而 數碼聲音廣播 入港鐵問題未解決,覆蓋同質量亦因發射功率不足而受限制,亦喺港鐵收唔到,而網台依家將內容擺上YouTube,有聲有畫有廣告,唔駛承擔 bandwidth 費用,兼且仲有廣告費收。就算做純文字內容,過往都怕租用Server費用,依家租用Linode或DigitalOcean費用都好相宜,有CDN嘅情況下,其實唔用香港Server都無大問題,變咗依家香港人,好多時喺網睇內容,多過聽電台,否則依家唔會傳統傳媒都喊得一句句,如果未來Micropayment更加成熟,大家慣咗喺網上買Content,唔好話 數碼聲音廣播 ,傳統FM廣播,以及傳統電視廣播,都唔知可以仲頂得幾耐,以往係搞網台嘅收入與付出不成正比,依家係搞電台嘅收入同付出不成正比。由於依家DBC唔會再承擔 數碼聲音廣播 嘅發射工程任務,香港電台無理由孭呢筆數,所以順理成章停埋香港電台嘅 數碼聲音廣播 部分,亦變得十分合理。

我可以咁講,香港主流傳媒繼續喺中聯辦控制下變得唔長進,全面俾網絡媒體全面取代只係遲早問題,所以政府想推遲5G發展,其實亦都係有原因,對梁振英、張曉明呢啲死變態佬,以為傳媒消失就會耳根清靜,實際上梗係唔係。

One thought on “數碼聲音廣播 何以終結

  1. 延伸閱讀:
    「毛記電視網站是怎樣練成的?| Gap撈Tech」
    http://blog.gaplotech.com/how-tvmost-is-built/
    有人拎毛記電視做例子,當大家見佢表面個樣係 self-hosted,其實拆開嚟睇佢好多嘢都係用返現成嘅大手 VPS 同 CDN,一個月嘅成本唔駛 200 美金。

    香港做廣播另外嘅問題,仲有搵地方(山頭)起發射站,同埋綁手綁腳嘅廣播條例。

發表迴響

你的電子郵件位址並不會被公開。 必要欄位標記為 *