林鄭月娥-中聯辦-1-min

林鄭月娥 與中聯辦之間嘅鬥爭

林鄭月娥 本來最快呢個下午見中聯辦,但突然間, 林鄭月娥 話可能下個禮拜至見,其實都估到點解, 林鄭月娥 話香港內部嘅事務唔駛中聯辦操心, 林鄭月娥 立即話下個禮拜至會禮節性會面,大家如果細心睇,應該聞到 林鄭月娥 同中聯辦出現咗鬥爭。

林鄭月娥 同中聯辦利益唔同

由梁振英唔俾提早取消TSA,到依家中聯辦係咁玩 林鄭月娥 ,呢個唔係扯貓尾,而係大家利益唔同,梁振英同中聯辦係想 林鄭月娥 一定要高度依賴佢,令 林鄭月娥 純粹淪為呢班土共嘅工作機器,實際掌權仍然係梁振英條粉腸,而 林鄭月娥 認為佢自己已經上咗位,就應該有香港內政嘅全面掌控權,至少可以找咗佢政綱上部分同政治無關嘅數先,只係呢一點大家傾唔掂數, 林鄭月娥 同中聯辦就立刻打起暗戰,而且呢場暗戰,隨時會比中聯辦鬥曾俊華更加慘烈。

中聯辦同梁振英集團之所以要鬥倒曾俊華,任由 林鄭月娥 民望低企,因為佢地睇到一點,曾俊華如果可以唔駛靠中聯辦而上台,曾俊華就唔會賣中聯辦帳,呢個亦係我走去扮薯粉嘅戰略合理性所在,只要香港政府能夠擺脫中聯辦控制,之後啲政策就仆街極有限。所以不論係曾俊華同 林鄭月娥 ,我們戰略目標唔係針對人,係針對件事,只要任何人成功阻止中聯辦變成貨真價實嘅香港統監府,邊個就係香港人嘅政治盟友,even 林鄭月娥 ,如果佢想走咗中聯辦強加於她身上果條數,fine,我認為香港人喺戰略上,可以給予適當而合理嘅支援,儘管喺人格上,我係信唔過 林鄭月娥 ,但作為lesser evil論者,我都係本住邱吉爾果個戰略原則,就算希特拉入侵地獄,都要為撤旦喺國會講番兩句好話,呢個原則,不單適用於喺曾俊華身上,亦適用喺 林鄭月娥 ,只要 林鄭月娥 肯抵抗中聯辦,不論明定暗,都會有市民適當嘅支援。

所以我唔用一啲好難聽嘅花名去稱呼 林鄭月娥 ,儘管佢嘅得票已經變咗柒柒柒,喺特區政府嘅內閣人選上, 林鄭月娥 喺教育局長、民政事務局長、律政司司長等人選上,有幾大嘅自主權上係關鍵,當然炒咗陳茂波最好,儘管呢個可能性並唔大,王冬勝做並唔係一件好事。

發表迴響

你的電子郵件位址並不會被公開。 必要欄位標記為 *