TSA-梁振英

由 TSA 睇梁振英就係心理變態

林鄭月娥始終係英國人訓練嘅政務官,知道負民望執政只會一籌莫展,所以表示唔會特赦果七賊,同埋同政府商討取消今年 TSA ,點知梁振英條變態佬講,取消 TSA 最早係七月一日之後,意思就係, TSA 就係我梁振英堅持嘅政策,你林鄭月娥鍾意取消係你嘅事。呢樣嘢,充分反映呢條友心理變態,香港人最好未來兩個月諗辦法鬥走佢,等佢提早喺北京吸毒氣,否則未來呢兩個月會好難捱。

TSA 睇出梁振英變態鬥爭心態

正常嘅人,反正剩番三個月任期,就不如賣個順水人情,依家取消咗 TSA ,等自己留俾公眾一個好印象,亦都可以挽救林鄭月娥嘅負民望,一箭雙鵰,但對變態佬,你唔可以用正常心態諗佢。梁振英由無法入香港大學開始,呢個人就已經對香港充滿莫名怨恨,所以對梁振英嚟講,香港學童一個個跳樓自殺,佢可能係最鍾意睇,佢係享受迫害人過程嘅變態佬。林鄭月娥作為鬥走佢果條友,梗係唔會俾好日子佢過,所以林鄭月娥當選咗兩日,梁振英係日日俾啲屎佢嘆,我終於明白點解佢當選果陣,一啲笑容都無,竟然出現初四咁嘅樣,你接啲咁嘅仆街嘅班,俾著你當選都會初四咁嘅樣。

梁振英呢個人係點嘅人,就係果啲與天鬥,與人鬥,其樂無窮嘅心態,只要有權,就要用盡,無論用嚟為自己攞著數,定係為咗滿足自己向香港社會報仇嘅慾望,所以好多正常政客唔會做嘅行為,佢會做晒。如梁振英堅拒取消 TSA 以及會走去告梁繼昌呢啲帶有報復性質嘅變態行為嚟睇,如果梁振英故意特赦龍和七賊令香港政府難堪,我覺得係唔出奇。梁振英應該係認為龍和七賊,同朱經緯係打犯無問,反正有權,更何況梁振英係山東差子弟,當時山東差係點樣看待濫用警權同貪污,好影響佢對警察嘅睇法,一如曾志偉撐龍和七賊,都係因為佢老豆係被香港政府通緝嘅貪污警察一樣。一個 TSA 就可以大家確認一樣嘢,香港人過去幾年咁慘,因為梁振英係一件心理變態,俾著我都會好似曾俊華辭職出嚟選同梁振英片過。左膠唔會睇到CY 2.0嘅大勢,大概係因為,其實好多左膠心態同梁振英差唔多,中大學生報選舉舞弊事件裡面啲左膠言論,同梁振英好有相似之處,大家可以比較吓。

One thought on “由 TSA 睇梁振英就係心理變態

  1. 其實林鄭都唔會真心取消TSA(暫停啫),教育局班官僚唔會放棄捽學校的。從這角度而言,其實狼英係幫佢頂住壓力,希望搞搞下大家冇左件事,然後接受「優化」TSA捲土重來。

發表迴響

你的電子郵件位址並不會被公開。 必要欄位標記為 *