佔中檢控-min

佔中檢控 :林鄭月娥又玩語言偽術

好多有份參與佔中嘅人,喺今朝早被人預約拘捕, 佔中檢控 ,竟然林鄭月娥嘅首要課題,而林鄭月娥仲好似對 佔中檢控 唔關佢事咁,包括恩將仇報,檢控白票黨成員邵家臻(喺我眼中,投白票等同投林鄭月娥,講完)。林鄭月娥見記者果陣,仲好似唔關自己事咁,話律政司嘅檢控工作係獨立進行,佢上任後都應該會繼續亂拉人亂告人。

林鄭月娥要修補撕裂要停晒 佔中檢控

如果呢度係英國,檢控係由並唔係內閣成員所控制的皇家檢控署(The Crown Prosecution Service)去做,而警察係確實維持政治中立,咁fine,大家都檢控決定唔會有太多講法,但香港係乜地方呀,根據問責制,律政司係政治問責官員嚟,你唔好講到袁國強做政治打手唔關你條柒柒柒事至得架,仲加上,依家警方根本洗晒腦,由曾偉雄到依家,警察變咗政治打手多個一個中立嘅執法部隊,你認為呢件事真係一件司法事件,而唔係政治事件?

就算英國皇家檢控署嘅檢控守則,官方中文譯本都係咁寫:

從來不存在一旦取證階段達到後檢控將自動進行的規則。檢控一般會進行,除非檢察官認為傾向于反對檢控的公眾利益因素超過傾向于贊成檢控的公眾利益因素。對於某些案件,檢察官可能會認為透過向犯案者提供進行庭外處置的機會而不是提出檢控可正確地維護公眾利益。

好似佔中呢件事,真係要檢控?林鄭月娥係絕對可以要求律政司作出一個「合符公眾利益嘅決定」,然後律政司發出一件信函,表明不作檢控,但亦勸告呢啲政治問題,應以一個政治磋商方式去解決,呢個就係一個提供進行庭外處置嘅機會,而唔係提出檢控。所以林鄭月娥今日見完梁君彥後記者會嘅話,我一聽已經知道係語言偽術,佢絕對係撕裂2.0,仲未計佢依家仲未交出吳克儉同袁國強嘅繼任人選,如果湯家驊做,或者莫樹聯做,都會仆街到無朋友,原因大家心照。

其實林鄭月娥上台,我呢度係絕對不愁無嘢寫,你睇,第一日佢已經俾啲咁嘅嘢我嘆,曾俊華當選反而我呢度真係要轉型,呢件林鄭月娥,搞到全民皆反,指日可待,多謝班左膠,同埋無膽無吉士嘅商界二世祖(田北俊除外)。

發表迴響

你的電子郵件位址並不會被公開。 必要欄位標記為 *