特首選舉-min-1

特首選舉 特別報導 :去票站影相似打任天堂

特首選舉 對記者嘅安排有幾不公,其實由來往新聞中心到票站嘅一段路就知,要影feature image果張相,係經歷千辛萬苦,似玩任天堂馬利奧兄弟,好多採訪 特首選舉 方向感比較差嘅記者,就被呢次似任天堂遊戲嘅保安措施玩到殘。

特首選舉 去票站採訪區條路似玩任天堂

我就將我返嚟果條路描述一次,你就知有幾惡玩。

特首選舉-min
特首選舉-min

首先,你要穿過平日用嚟運貨嘅冷巷

特首選舉-min
特首選舉-min

見到呢條柱,推門行入去,唔好行前,行前會有慈母招呼你。

特首選舉-min
特首選舉-min

你見到貨𨋢,無錯,你係坐貨𨋢,你唔駛記得幾多樓,因為會有保安揸𨋢,保安送你去邊就去邊,唔駛多問。

特首選舉-min
特首選舉-min

跟住,你要行過一段長長嘅路,有圍板封住,其實係會展新舊翼之間嘅連接路,平日唔會有圍板嘅。

特首選舉-min
特首選舉-min

仲要行過一條長長嘅路,無錯,你唔知幾時有終點,好似,呢啲真係迷宮嚟

特首選舉-min
特首選舉-min

跟住又入啲旁門左道,但你見到呢條柱好轉入去推門,千祈唔好向前行,否則又有慈母會招待你

特首選舉-min
特首選舉-min

最後,你要再接受安檢至可以返去新聞中心,記者唯一特權係有專用通道唔駛排隊,而公眾就要排長龍。所以我學精咗,將背包留喺新聞中心,好多記者因為帶咗背包出嚟,再作檢查而中伏,因為無人提醒過,連票站同點票站之間穿梭,都居然要經過安檢,簡直係黐線。所以我話設計呢個通道嘅人,肯定係童年果陣成日打任天堂,因為呢種格局,用嚟寫孖寶兄弟遊戲都仲得,爭在未出現果啲有毒磨菇咁解。

大家睇埋呢個安排,就明白依家梁振英政府,對記者同傳媒敵視到乜嘢程度,就係要以保安為名,係咁虐待你啲記者,其實呢啲措施都係好擾民,依家香港乜出現咗天誅人斬咩,依家仲未到一個天誅人斬嘅年代,都搞到好似戒嚴一樣,如果香港變咗好似日本幕末咁玩天誅人斬,咁大家估日後投票嘅所謂反恐措施會係點。雖然梁振英落咗台,但林鄭月娥對傳媒嘅態度,都係極其唔友善,我睇未來果啲選民,針對記者嘅擾民安排將會越嚟越多,以示展一個政權何等嘅「強大」。

發表迴響

你的電子郵件位址並不會被公開。 必要欄位標記為 *