香港01-min

特首選舉特別報導: 香港01 有特權入新聞中心

特首選舉 政府寧願被人JR,都唔俾網媒入嚟。咁有啲網媒因為有人本身有傳統傳媒雙重身份入到嚟,好似HKFP同我都係咁入,但 香港01 特別霸氣,竟然係霸咗成張檯,貼住 香港01 嘅貼紙,咁都得。

香港01 入得,熱血時報都入得喇

我對政府只批 香港01 呢種搬龍門行為極反感, 香港01 無錯有print version,但如果係有print version就入得,咁點解熱血時報唔入得嚟,同埋點解一定要有紙本至可以俾入嚟,成件事嘅邏輯究竟係點,政府完全欠公眾一個合理嘅解釋。 香港01 點解有特權入新聞中心,政府必須有合理解釋,如果網媒有紙本都入得,就唔該講到明,咁眾傳媒、立場、輔仁佢地印唔印紙本,就由呢啲傳媒嘅股東自己決定喇。

只不過,我呢度都要解釋吓,點解一定要入新聞中心。如果公眾席可以提供以下資源,同埋位置有所改善,都未必要入新聞中心。但如果公眾席照依家咁,除咗坐嘅地方,乜都無,兼且離候選人區無雷公咁遠,咁就一定要俾網媒入新聞中心,相關資源包括咗。

網媒-新聞中心
網媒-新聞中心

最重要,乜都假,穩定嘅電力,如果公眾席可以提供大量拖板,網媒或者勉強可以收貨,但現實係公眾席無拖板,無電力,點同手機充電,點推郁製作網上內容必要嘅電力?

網媒-新聞中心
網媒-新聞中心

Wi-Fi,雖然會場嘅Wi-Fi十分之雞,但作為一個數據來源,都係重要,唔係太多人肯額外俾錢無限上網。

網媒-新聞中心
網媒-新聞中心

飲用水供應,因為政府嘅保安安排問題,出入中央點票站要面對大量檢查,而且裡面係乜都無得買,肚餓都算,對記者嚟講,如果連飲水都要再出出入入,就十分之費時失事,而且有可能因此錯失咗寶貴嘅新聞鏡頭,而政府唔可能喺公眾席提供飲用水,呢個係新聞中心必須嘅配備嚟。

網媒-新聞中心
網媒-新聞中心

仲有,食!因為中央點票站,乜叉食肆都無,特首選舉由於時間比較短,未必太有需要食,但立法會選舉,食就好重要,因為有啲選區,點票過程往往去到等到佛誕嘅級數,而公眾席連小賣部都無,咁網媒啲記者都唔係煉仙架,係唔係呀,有小賣部或者仲好少少。

我希望呢堆圖,清楚解釋個問題喺邊度。

發表迴響

你的電子郵件位址並不會被公開。 必要欄位標記為 *