特首選舉-min-2

特首選舉 特別報導:新聞中心玩殘記者

特首選舉 今日係投票日,由於我有傳統傳媒嘅雙重身分,所以我係少數嘅網媒可以入新聞中心,雖然得我一條友。只不過, 特首選舉 個新聞中心對記者敵視嘅程度,真係去到令人爆粗嘅級數。

特首選舉 新聞中心難入過登天

我係凌晨四點半已經到灣仔會展排隊,因為香港政府係極官僚,明天外面落雨,寧願記者冒雨,都唔提早開放新聞中心俾記者入去,搞到大批記者喺會展舊翼外面排隊,政府班友好意思等到早上七點至俾人入去,而早上七點果陣排隊嘅情況,就好似咁

特首選舉-新聞中心1

如果你以為入到去,就天下太平呀,朋友,你太天真喇,立法會選舉新聞中心,係無金屬檢測,即係好似去機場果隻安檢,但行政長官選舉,就有金屬檢測,慌死香港已經進入咗天誅人斬嘅時代一樣,你諗吓電視台、電台、有多媒體運作嘅傳媒嘅記者,帶住大批器材入去要做機場式安檢,會係一個點嘅場面,真係煩到抽筋。因為我一條友單刀匹馬,就無乜所謂,但如果係果啲一大堆人嘅傳媒,你真係一堆粗口飛晒出嚟。

特首選舉-新聞中心2
特首選舉-新聞中心2

如果你諗住依賴新聞中心個Wi-Fi,朋友你都係太天真,我呢篇文係用我嘅Smartone 3G upload,點解,雖然會場有802.11ac嘅Wi-Fi,但一大批契丹傳媒湧入嚟之後,個Wi-Fi由好快變好慢,呢個亦實證咗,點解林鄭月娥政綱話要搞港鐵車廂有Wi-Fi會搞出大頭佛,只要自由行不受限制,以契丹人用網絡嘅習慣,真係港鐵唔網絡大亂就奇。

其實點解政府死都唔俾網媒入嚟,除咗政府對本土網媒嘅敵視態度外,仲有好多新聞中心嘅位,留俾契丹果啲唔知乜地方電視台,唔知乜網站,例如乜叉說傳媒之類機構,以依家香港政府嘅契丹優先態度,梗係唔俾你班網媒入嚟。所以,本土優先唔單只適用喺民生問題,喺選舉採訪都係,香港選行政長官係香港嘅事,點解要留大量傳媒中心位置俾啲契丹傳媒,香港人嘅公帑唔係咁用,我睇劉江華條賣港賊唔肯面對呢個真相,所以至搞到記協要司法覆核政府嘅荒謬決定。呢啲賣港政府,果啲狗官真係要日日聲討。

發表迴響

你的電子郵件位址並不會被公開。 必要欄位標記為 *