蕭若元-燈神-min

蕭若元 做咗林鄭月娥當選嘅大功臣

相信大家都同意,香港有好多奇怪大迷信嘅地方,例如 蕭若元 嘅燈力,大家係唔會諗住作出挑戰,做燈神呢樣嘢, 蕭若元 認咗第二,都無人認第一,相信只有黃興桂可以與之一戰。所以支持泛民嘅評論員,個個都要公開挺曾俊華,但 蕭若元 必須倒轉嚟玩。如果林鄭月娥輸咗, 蕭若元 利用燈力拯救香港人,大家會同佢買多啲韓牛食。如果林鄭月娥贏咗,咪當佢破咗燈,一舉擺明燈神之名。

蕭若元 應該承認自己嘅燈力

只不過, 蕭若元 竟然今日拍片,話叫選委支持曾俊華!!!!!!你有無搞錯。我明,作為評論員,被人叫做燈神並唔係一件好事,只不過,呢個非常時期,如果承認自己嘅燈力,換來大家對你嘅愛戴,唔係一件十分好嘅事,仲分分鐘令大家買多咗韓牛嚟食,因為感謝你嘅燈力。依家你用燈力,走去燈一個公眾期望佢當選嘅人,咁你即係點?究竟你係支持泛民,定係你明知自己有呢種扭轉乾坤嘅能力,其實係另類無間道嚟㗎。當 蕭若元 呢段片出咗,真係好多人感到灰咗,因為連運用燈神嘅燈力扭轉乾坤嘅荒謬希望都無埋。

其實,大家竟然寄望 蕭若元 嘅燈力,係一種苦中作樂,證明香港人其實對依家嘅境況感到十分之絕望。當絕望果陣,至會寄望一啲科學上根本無合理解釋嘅力量,一如日本黑船事件,同二次大戰,都係盼望神風嘅再度出現。好多人感到好絕望果陣,會走去拜神,都係呢個原理,特別喺華人社會,就尤其係。而大家對 蕭若元 燈力嘅寄望,希望 蕭若元 用燈力擊敗林鄭月娥,都係基於呢種無力感,燈神傳說本身,就係一個黑色幽默到爆嘅笑話。

當好多人絕望果陣,除咗會寄望燈神,有啲可能會意志消沉,例如沉迷酒色,或者變咗無咗人生動力,有啲人可能倒轉嚟,就係覺得就算面對強大無法一戰嘅力量,既然有必朽嘅覺悟,咁不如做天誅人斬,呢個係日本幕末,一街都天誅人斬嘅時代背景,亦係好多人明知投身革命定必殺頭或失去生命,都要投身革命嘅原因嚟。由大家居然期望 蕭若元 用佢都唔承認,亦唔識解釋嘅燈力,去燈爆林鄭月娥果陣,其實呢個反映咗啲人嘅絕望,所以3月26日後嘅局勢,比當年梁振英當選更差。

發表迴響

你的電子郵件位址並不會被公開。 必要欄位標記為 *