葉劉淑儀-min

葉劉淑儀 真係玩完了

葉劉淑儀 喺入唔到閘後,大家一度以為佢會有志氣,唔投票俾林鄭月娥。但最終,喺中聯辦嘅壓力下, 葉劉淑儀 要歸邊,支持林鄭月娥,而 葉劉淑儀 講支持林鄭月娥果陣,其實佢同新民黨嘅政治生命已經完結。 葉劉淑儀 可以準備定佢嘅退休大計,下年選舉陪社民連等硬膠政黨泡沫化。

葉劉淑儀 只不過係一隻會噴硫酸嘅狗奴才

如果 葉劉淑儀 唔係純粹只係識得噴硫酸,做葡萄淑儀,喺呢次特首選舉後,以半獨立姿態出現,其實佢對泛民係有威脅,因為曾俊華留低一個廣大嘅淺藍同淺黃重疊嘅空間,呢個空間其實係好值錢,呢個空間係左膠、熱普城呢班道德喜馬拉雅山愛好者不屑爭取,民主黨同公民黨唔識得去經營,而土共好多政黨,都唔敢經營。而田北俊已經去耕耘都好,自由黨都無人接到佢嘅棒。所以 葉劉淑儀 ,本來有機會冷手執個熱煎堆,只不過,依家 葉劉淑儀 受壓轉軚,好多薯粉會睇唔起呢條友,港島果啲中產區本來佢啲選民,都會同佢講拜拜。至於中聯辦啲派啲暴發戶票,幾年後張曉明唔住喺秦城監獄先算喇。

林鄭月娥應該明天表面上睇落大選,但由於民意落差同選舉結果落差太大,其實果啲左膠、熱普城退出社運更好,可以一併接收淺藍不滿果班友嘅空間,香港民主運動,一直俾班執行力極差,執政意志近乎零,只係識得吹水嘅道德高地愛好者盤據,曾俊華浪潮提供咗一次好好嘅洗牌機會,依家土共清一色剩番啲人渣喺度,跟住熱普城同左膠一眾垃圾負氣出走,呢次大洗牌剩番啲正常人令泛民處於一個介乎淺藍至深黃之間嘅光譜,其實未必係壞事。當然我睇,曾俊華未必會做呢個抵抗運動嘅領袖,我相信明天敗選後,曾俊華會光榮引退,完成歷史任務,因為之後嘅歷史,就留番一班受呢役啟發,激到出嚟搞政治,由立憲派轉到革命黨嘅友仔做,佢地有呢個資源同執行力,至於啲廢柴,就返去早抖。

當然,一街都係天誅同人斬都幾肯定,但天誅同人斬唔會熱普城啲友仔去做,熱普城只不過係一堆無腦嘅假勇武,假激進,呢班友早抖,對香港出現真勇武,真激進係好重要。我相信熱普城啲高層已經收夠籌養老,留番啲支持者癡癡地繼續崇拜佢地嘅假偶像。

發表迴響

你的電子郵件位址並不會被公開。 必要欄位標記為 *