林鄭月娥-遊行-min

林鄭月娥 選舉遊行? 有人出六舊水叫人明天去遊行

喺下午,有人出示wechat信息,有人出六舊水,叫人去中環遊行支持 林鄭月娥 ,呢段信息初步判定,應該係非法招致選舉開支,平日果啲俾錢遊行,大家可以當無事發生,但依家選舉期間搞俾錢嘅遊行,就擺明車馬挑戰法律。所以,我決定緊急開file進行調查,我利用自己嘅電話錄音系統,喺錄音嘅情況下,查吓呢班友係乜水。

懷疑中國人搞支持 林鄭月娥 遊行

根據以上嘅錄音對話,同埋成個打電話嘅過程,我可以總結幾樣嘢:

  1. 喺Wechat果個電話唔係最終嘅電話,實際係用嚟飛線用,而且用完即棄,免留手尾。所以我最後係發現有一個有留言信息嘅電話,果個至係堅做嘢嘅電話。66777047並唔係最終電話,真正最終電話係52380669,有人知道呢個冧把嘅真正主人,請告知小弟。
  2. 我第二段錄音,係故意用華語對話,由口音聽出,對方擺明係中國嚟嘅人,呢班搞手應該係中國移呜嚟香港嘅新移民,甚至喺深圳行事,甚至係中聯辦。因為接電話果條友,唔肯講自己係乜水。而果個人啲華語,係相當流利,甚至根本係中國人口音,因為我果啲華語,係充滿香港人加南洋人果種膠力(其實好易穿崩 XD)
  3. 喺facebook出現信息後,好多人打過去問,所以報名好踴躍,好快話滿額。但亦可能怕記者或生面口人士混入遊行隊伍,所以只係同人講滿額,唔敢太濫咁招攬啲人。但呢班友,係唔知有人會錄音,我亦唔會透露,自己點做到錄音。

我會將呢段聲帶交俾廉署。因為根據《選舉(舞弊及非法行為)條例》,未經候選人批准招致選舉開支,已經係違法行為,而每人六舊水嘅遊行,有一百個人去都成六萬銀,如果有成千人去,六十幾萬,未計旅遊巴等開支,你 林鄭月娥 仲唔爆 jackpot?我唔知廉署會唔會公正行事,但如果廉署查到邊個人,果條友唔捉返嚟香港受法律制裁,香港仲有選舉公正嘅﹐唔天下大亂就奇。呢件事我當然繼續會跟,如果大家有乜料可以報俾我,可以用Facebook PM我個page,等大家知道,有啲事情唔可以玩得太過份,你中聯辦班友唔係大晒。

發表迴響

你的電子郵件位址並不會被公開。 必要欄位標記為 *