林鄭月娥-張文光-min

林鄭月娥 嘅學運歲月係一個關鍵

今日《南華早報》登咗一張關於金禧事件嘅相片,示威嘅大學生,竟然有 林鄭月娥 。仲未做官,讀緊大學嘅 林鄭月娥 。 林鄭月娥 ,都曾經左膠過。咁 林鄭月娥 既然算係學運分子出身,點解泛民對佢係唔信任。張文光喺大學已經認識 林鄭月娥 ,無理由泛民會寧願支持曾俊華,都唔支持一個曾經係戰友嘅人。

林鄭月娥 有無可能係 英國特工 ?

泛民或學運界中人,一般好少玩到拒絕來往,除咗係做咗叛徒,好似劉江華果種情況,叛徒大多數係無得傾,但如果唔係叛徒,照計一般會保持相當嘅溝通渠道,就算係做咗公務員。但呢張相,更令我同時留意係,喺七十年代, 林鄭月娥 竟然大學果陣去杭州玩,喺果陣,如果香港大學生去中國玩,仲要香港大學,無乜理由香港政府仲用佢,因為隨時被中共滲透,以英國人當時防共吧情況, 林鄭月娥 無乜可能可以考入政務主任職系。喺英國人管治年代,曾昭科被滲入已經係最高層被滲入嘅個案,政務主任職系呢班人,應該係好忠於英國至係,至少入職前, MI5 (當時皇家香港警察政治部Special Branch,實際係MI5香港分局)應該會查至係。

所以由泛民對 林鄭月娥 嘅態度,除咗 林鄭月娥 自己變咗之外,仲有一個可能性,就係佢入政府,其實係靠出賣情報俾 MI5 而做,否則有學運背景要入政府做到政務主任,當時嚟講係好難嘅一件事,因為當時好多學運分子都同中共關係密切,英國佬都驚呢啲學運人會滲透香港政府,廉署或者俾你入,利用對付貪官,同埋廉署有MI5嘅人睇實,但政務主任體系,幾乎係無乜可能。除非 林鄭月娥 係MI5嘅Informant,如果係咁,泛民唔信佢係合理同正常。呢個人死抱居英權,好可能同佢入政府嘅方法有關,因為北京都未必知道佢嘅file實際係乜嚟,萬一中國有乜風吹草動,佢無英籍都可以用佢老公嘅居歐權走,甚至行使恢復英籍嘅權利。

所以 林鄭月娥 嘅學運歲月係點嘅一回事,我相信好多人想探究。但可以肯定係,佢唔係李登輝果隻有理想,可以將年青時代嘅抱負一路死忍爛忍,忍到做咗總統,清除晒政敵至實踐。日本都無幾個德川家康,香港更加唔會有。

發表迴響

你的電子郵件位址並不會被公開。 必要欄位標記為 *