梁振英-林鄭月娥-CY2.0-min

梁振英 接中聯辦柯打提醒林鄭月娥係CY 2.0

梁振英 係一口唔發音,都怕啲人當佢係啞, 梁振英 話曾俊華係有泛民支持嘅,咁梗係照張曉明柯打講,提醒班唔識中國政治嘅商界選委,支持曾俊華係等於同中央對著幹,呢啲拉票手法係得小圈子選舉至咁荒謬。只不過 梁振英 同張曉明,又同時提醒大家林鄭月娥係 CY 2.0。

梁振英 認證林鄭月娥係CY 2.0

當然, 梁振英 可以暗中同選委講,林鄭月娥至係佢嘅接班人,只不過,佢未必夠時間逐個選委傳達佢嘅心意,所以就透過公開講話,大鑼大鼓公開認證,林鄭月娥至係 梁振英 嘅2.0。只不過,林鄭月娥相信多得 梁振英 唔少,因為林鄭月娥一直以嚟,都想同 梁振英 keep distance,否則都唔會被曾俊華話佢係撕裂2.0,而且一旦江系失勢,林鄭月娥呢鋪仲唔契弟走得摩,所以林鄭月娥唔會話自己係CY 2.0,因為一認咗自己係CY 2.0,一旦江習大戰有結果,隨時被北京搵藉口隊冧佢,屆時就真係喊都得謂,只不過,依家 梁振英 擺明車馬要綁林鄭月娥上戰車,借打泛民為藉口,其實亦都要警告林鄭月娥,如果佢當選後唔跟番 梁振英 路線,就輪到張德江呢啲江系人馬隊冧佢。

如果我係林鄭月娥,明天想唔想當選其實都係幾大疑問,如果佢留任做政務司司長,由於呢位始終係被視為執行者嘅位置,加上佢本身係高級公務員出身,所以應該唔會受中共權鬥太大影響,但依家做咗特首,仲要 梁振英 咁樣講嘢,依家林鄭月娥應該無辦法擺甩中共權鬥嘅影響,簡單嚟講,呢次贏咗,都未必真係有著數,因為習系本來唔會對佢算賬,但依家會對佢算賬,除非林鄭月娥可以狠下決心,喺UGL案果度果斷行事,但我睇,林鄭月娥敢郁UGL案, 梁振英 可能有其他把柄去郁林鄭月娥,呢個係中共一貫嘅黑社會玩法嚟,隨時故宮案送林鄭月娥俾廉署查果個,其實係 梁振英 ,因為要確保林鄭月娥頭上有一把劍,令 梁振英 嘅政治意志可以延續落去。大家要記住,曾俊華由於有部分泛民同商界嘅支持,可以唔賣 梁振英 同張曉明兩件大貪官嘅帳,呢個幾乎係可以肯定嘅事嚟。

如果習近平唔展現政治意志,我睇嚟江系仲要控制香港多幾年,呢個係我嘅判斷。

發表迴響

你的電子郵件位址並不會被公開。 必要欄位標記為 *