高永文-梁粉-min

高永文 向林鄭月娥表忠快過打針

雖然明天至係特首選舉投票,但張曉明、張德江兩條友,完全唔當佢地會做歷史罪人係一回事(以中國歷史角度嚟講,我係食花生),嚇得啲商界蠢選委七七八八,林鄭月娥應該會同民意完全背離下大勝。 高永文 應該知道啲內幕消息,向林鄭月娥表忠快過打針,對 高永文 嚟講,保住自己個官位係最重要。

高永文 只係睇到自己嘅官位

高永文 好明顯係個官位比乜嘢都重要,所以至咁快向林鄭月娥表忠,我相信啲梁粉官員,除咗一早當垃圾處置嘅吳克儉(中國太空技術唔得,送唔到佢返太空,唔好意思,可能要美國或俄國幫手),我相信明天中午一宣布選舉結果,成班賤人會出嚟沒有最核突,只有更核突,個個向林鄭月娥表忠,如果自決派仲係決定做擊落米格機派,同埋啲商界繼續細膽,睇嚟張曉明等住要做香港國父,真係指日可待。

當然,如果啲商界醒嘅話,係有機會扭轉大亂局,畢竟張曉明呢啲人,識共產黨嘅人都知唔多可能可以代表到習近平政權,只不過,香港商界有太多人問過中聯辦攞過啲蠅頭小利,甚至一齊有份分贓,呢啲情況,我只可以講,佢地全部等中紀委一齊落鑊。擊落米格派同社民連,我唔會有任何寄望,佢地同埋熱普城一樣,都會被送入歷史嘅垃圾桶,歷史係唔會俾一啲關鍵關頭,仲要沽名賣直嘅友仔任何機會。

其實我講咗好多次,香港有一大堆連BNO都無,由於成咗年,家長有BNO可以行使居歐權都無用嘅年青人,呢啲人根本只能困獸鬥,呢個係點解我話最後嘅結果,如果用高登語講係一街都係賭撚,如果用認真少少嘅歷史比喻嚟講,就係一街都係天誅人斬之類嘅事,因為曾俊華呢啲咁溫和嘅人選,最後都因為中共政治內部問題,仍然無法做到特首,成班立憲派提出嘅最佳方案都唔接受,咁咪成班友變晒革命黨囉,仲有乜嘢可以做?

曾俊華喺呢次選舉可以扮演角色,其實係泛民過往嘅候選人想做又做唔到,就係突顯小圈子選舉嘅荒謬,長毛成日話自己要做呢樣嘢,但佢根本無呢個民望基礎令民眾睇清楚呢個制度嘅荒謬,或者社民連成班友最大嘅錯誤係一啲自知之明都無。3月26日之後,世界唔會再一樣,香港等變幕末嘅日本,甚至1911年嘅大清帝國。

發表迴響

你的電子郵件位址並不會被公開。 必要欄位標記為 *