社民連 滅黨危機

今次薯粉熱潮中,最大力打薯粉係熱普城同埋 社民連 啲人。熱普城同仇思達呢啲屌票黨,一早已經泡沫化咗,提呢班廢柴係嘥氣。但 社民連 自己唔知係,佢以為狂打曾俊華好威威, 社民連 好可能喺幾年後要票債票償,尤其如果曾俊華爭幾張飛輸嘅話,呢個危機更明顯。

社民連 唔知自己都係lesser evil 嚟

嚴格嚟講,我係一個不折不扣嘅親英派,所以我每次投票,幾乎都係lesser evil嘅實踐嚟。有部分泛民左傾派系,佢地得到支持,唔係左翼主張得到支持,而係好多時係投票投條友入去搗亂,或者係一個 lesser evil 決定,多一個泛民入去好過多一個土共入去,所以盡量唔理左中右,將泛民議席最大化,呢個係雷動計劃嘅戰略合理性來源嚟,社民連自己反對 lesser evil,但佢地唔記得,喺好多泛民支持者眼中,你班大中華膠,或大左膠都係evil,投你們都係 lesser evil 。但如今證明,呢班友一樣可以做啲好鬼evil嘅事,例如明知林鄭月娥當選嘅結果,都要狙擊曾俊華,或者為咗沽名賣直投白票。

當 社民連 喺泛民唔少支持者眼中唔係 lesser evil 果陣,投票策略可能大改,當大家以為民主黨同公民黨喺呢次搞投降主義果陣,可能選民覺得呢啲友仔至唔會亂嚟,寧願支持主流泛民。以獨派或本土光譜而言,可能寧願支持毛孟靜、范國威嘅香港本土,以及鄺葆賢、陳澤滔嘅本土陣營,好過投熱普城,因為熱普城有齊 社民連 一樣嘅問題,包括亂咁屌選民,以及沽名賣直等問題,一啲策略思考都無,相反,鄺葆賢、黃任匡同陳澤滔,大家仲睇到佢地係有一定戰略思考,咁我點解要投成棚熱普城嘅道德高地撚?

社民連 長毛仲諗住將地盤傳俾柒銘黃浩銘,我都未計長毛facebook admin果啲性傾向同種族歧視言論,完全有違左翼應有嘅政治倫理。 社民連 下屆立法會選舉仲保唔保留到議席,我十分之懷疑, 社民連 好可能打回原狀,就係社會人士眼中一班唔知自己做乜,又以為自己好清高嘅所謂社運人士,泛民主要光譜回歸主流係肯定(民協班蠢才除外)。

發表迴響

你的電子郵件位址並不會被公開。 必要欄位標記為 *