曾俊華-龍和道-min

曾俊華 香港新政治 都由龍和道出發

曾俊華 嘅造勢大會結束,呢場造勢大會,同台灣陳水扁果啲梗係無得比(咪玩喇,同陳水扁比,陳水扁搞concert都仲),但 曾俊華 重新賦予龍和道意義,你同意又好,唔好同意都好,香港已經返唔到轉頭。

曾俊華 與薯仔黨

我長年研究台灣政治,同香港政治,好似聽到香港人大大聲叫邊個當選,今次 曾俊華 嘅造勢大會,居然有人用香港語文大叫 曾俊華 當選,呢個有佢嘅特殊意義,依家 曾俊華 係搞出咗個薯仔黨出嚟。當然薯仔黨出嚟嘅背景,同大清帝國立憲派好似,如果中共知道乜事,薯仔黨係一股鞏固中國統治嘅力量,但如果 曾俊華 高民望落選,情勢會失控,我唔想任何中壢事件嘅翻版出現喺香港,咁樣會膠爆,我唔想 曾俊華 變咗香港版許信良,呢樣嘢一啲都唔好玩。

雖然 曾俊華 要應付班土共,表面上要否定佔中,但佢喺龍和道講,要賦予龍和道新意義,你話佢係唔係否定佔中,又唔係,龍和道嘅前身,再加上七警事件等加埋,幾十年後,龍和道可能同高雄美麗島車站係同一種意義,如果知道台灣政治史,應該知道,高雄捷運美麗島站,係有佢嘅背景,亦都故意將地鐵站設計到成個聖殿咁。

但無論如何,呢次係香港歷史破天荒嘅大型選舉集會,依家香港喺一個十字路口,如果果千幾位選委,同北京有政治智慧,未來香港有一段時間嘅和平,政局或者會持續混亂,但點亂都好,都會暫時紓緩依家劍拔弩張嘅分離主義情緒,但如果張曉明呢班友,繼續自己嘅荷包優先嘅話,呢個禮拜日選舉結果公布之時,就係香港一個真正大時代嘅開始,呢個係一個無李登輝、勝海舟式人物嘅大時代,屆時一街都係天誅、人斬,成班無外國護照嘅香港年青人,絕望下同你老共困獸鬥,呢啲困獸鬥往往係極其激進同血腥政治嘅起端,屆時真係乜事都可以發生。我有時講,BNO平權其實對中方有著數,至少不滿果啲人,可以帶同家眷走,但共產黨最鍾意吓吓吮到盡,一啲空間都唔俾,睇怕大批好難移民離開香港嘅人,留喺度困獸鬥將會發生乜事。未來廿四小時,千幾人決定香港命運。

曾俊華-龍和道-min
曾俊華-龍和道-min

以上照片由小弟所攝

發表迴響

你的電子郵件位址並不會被公開。 必要欄位標記為 *