皇族內閣

急乜嘢,等埋 皇族內閣 出現再慢慢玩都未遲

好多人唔明,點解我講嘢咁似薯粉。其實作為一個戰略人,我不妨幫香港人做埋最後呢個夢,如果呢個夢成真,可以避免流血革命。如果搞出 皇族內閣 ,我最怕依家泛民班友,特別大中華膠果批,根本接唔住呢個革命形勢。

皇族內閣 一出,一切難以逆轉

符碌嘅辛亥革命,幾條賭撚以賭一鋪嘅心態竟然擊退清政府,導致大清帝國瓦解,但真正令大清帝國瓦解,本來維持大清帝國統治一眾鄉紳組成嘅立憲派,個個變晒革命黨,係1911年5月8日,大清帝國為咗敷衍班大清皇帝眼中好煩嘅立憲派,搞出 皇族內閣 出嚟,立憲派俾意見,仲要遭清廷訓斥,一眾鄉紳知道傾嚟都多餘,當武昌新軍工程營班賭撚賭贏咗,全部改變立場,後來袁世凱寧願同革命黨攞著數,都唔陪你清廷膠落去。如果無 皇族內閣 令立憲派嘅幻想徹底幻滅,根本唔可能有四川保路風潮,以及辛亥革命嘅成功。深受儒家文化體系影響嘅人,要搞革命係好難,日本有班武士推翻政府,改良統治,啲日本人立即收貨,自由民權運動唔成氣候,所以自由民權運動嘅主張要由美國佔領軍實現。如果唔係膠到無朋友,你同人講革命呀,港獨呀,邊個同你聽?所以我作為戰略人,我點可能走去屌柒啲民眾,你傻的嗎?無問題,我就同佢地玩一鋪,如果真係遇上勝海舟,我唔介意做坂本龍馬,但如果係走清帝果條蠢路,屆時唔係我去主張革命,而係依家啲溫和派自己做埋革命黨果份,一如1911年果陣嘅大清帝國。

大家要記住一點,香港係一個深受英國同中國兩個民族保守性格影響嘅地方,就算愛爾蘭打起獨立戰爭,都係Home Bill一直難產,1916年Easter Uprising至得到愛爾蘭人嘅支持,就算愛爾蘭獨立頭果幾十年,都係用自治領方式獨立,名義奉英皇為元首,Michael Collins嘅支持者係用hack咗Irish Free State憲政架構方式去令獨立具體落實。

無錯,人生苦短,只不過,有時都要戒急用忍,且看星期日共產黨有無足夠嘅政治智慧,作出對歷史負責任嘅決定,係重犯大清帝國嘅錯誤,定有更好嘅結局。

發表迴響

你的電子郵件位址並不會被公開。 必要欄位標記為 *