曾俊華-愛丁堡廣場-min

曾俊華 愛丁堡廣場 群眾大會

曾俊華 終於決定搞造勢晚會,地點係一個平常唔會搞造勢大會嘅地方,中環愛丁堡廣場。葉劉淑儀話果度有殖民地色彩,如果監粗要講,添馬同維多利亞公園果陣殖民地味道更勁抽。 曾俊華 喺愛丁堡廣場搞造勢大會,我唔知有心定無意,呢個地方一定令大家諗起林鄭月娥點樣走人數。因為愛丁堡廣場,就係本來皇后碼頭嘅所在地。

曾俊華 用地點提醒大家

皇后碼頭拆咗成十年,到依家,林鄭月娥連特首都出嚟選,皇后碼頭依家去咗邊,還番俾香港人未?林鄭月娥基本上為咗上位,拆咗皇后碼頭先講,以為大家會唔記得咗件事,呢種過咗海就神仙嘅態度係好有問題,其實要用實例說明林鄭月娥果種唔可信,而且蠻橫無理,用皇后碼頭做例子就夠。林鄭月娥同 曾俊華 我都有近距離接觸,我諗我對林鄭月娥嘅強烈反感,正源於天星皇后兩次保育事件,對左膠嚟講,天星皇后係攞嚟騎劫,但對於我嚟講,呢個係歷史嚟,只要林鄭月娥一日未找數,我都會記得件事,而我相信,好多市民去到愛丁堡廣場,就記得呢次香港政府公然走數事件。

曾俊華 陣營故意搵個細個地方,因為好似添馬、維園,根本係超出 曾俊華 選舉團隊控制能力範圍, 曾俊華 團隊無泛民政黨機器支持,泛民政黨就話有富經驗嘅人,同警方溝通以及控制人群, 曾俊華 邊有呢個人手至得,所以愛丁堡廣場,都係無辦法中嘅辦法,但我睇,明晚中環海傍一帶可能異常咁多人,警方應該早啲作出適當嘅安排,畢竟香港係無咁大型政治造勢大會嘅經驗,有幾多人嚟到現場,並唔係由 曾俊華 去控制,呢個係民心同民意嚟,當 曾俊華 喺民調咁咁強勁嘅民氣果陣,我睇唔到有乜理由,明天嘅集會會得幾百人,我恐怕過萬民眾集中喺愛丁堡廣場果陣,都係一件極為壯觀嘅事。

特別大家要注意一點,好多中環人係支持 曾俊華 ,所以基本上,呢批人係一放工即刻去,甚至好多無參與政治活動限制嘅公務員,都會由添馬方面行過去,所以我睇,明天不單多人,而且中環嘅道路使用者,應該特別留意交通情況,大家以為無嘢發生,但我睇民情,呢次真係會成堆人湧出中環。

發表迴響

你的電子郵件位址並不會被公開。 必要欄位標記為 *