邱少明-min

邱少明 之死:睇香港警察訓練

消防總隊目 邱少明 ,因救行山客而死。香港on9行山客不嬲都有,好似新假期呢啲唔負責任嘅content farm,都一向存在。只不過,呢次 邱少明 之死,竟然係因為救一位機場特警,同一位機場保安有關,我就好懷疑依家香港警察精銳部隊嘅訓練有無問題。如果香港真係有恐怖分子嘅話,香港人都係自求多福吧。

邱少明 之死反映香港警察訓練乜問題

機場特警唔係一般嘅隊伍,基本上,依家機場特警係同飛虎隊一齊recruit,因為呢隊係精銳嘅準軍事化隊伍,主要係反恐,到依家都係接受英軍果套嘅訓練,要入職,pre-selection都要過一大堆體能測試。跟住,機場特警要考得入,基本上,郊野戰術相關嘅嘢,包括用地圖等一定要pass,依家自己受傷兼搞出人命,簡直嚟講係fail,我想問一樣嘢,機場特警平日嘅training係有無keep住成員嘅技能時刻都符合要求。潮濕天氣行山呢啲膠事,如果一般未經訓練嘅膠人,已經要斥責,更何況兩位傷者,其中一位係經過最專業,最精英嘅訓練,點可能係咁。如果依家咁都可以出事,我好懷疑,如果DAESH果啲人渣強攻香港國際機場,機場特警裡面有幾多成員,無能體能、智能、領導能力等各方面,係足以應付呢啲場面。呢次 邱少明 之死,係絕對要開死因庭聆訊,唔單只要還死者一個公道,更重要係,要知道點解一個經過專業訓練嘅人,究竟可以犯呢啲膠到無朋友嘅錯誤,我唔理政治立場,呢件事好簡單已經反映咗,警察精英部隊訓練出現問題。

我依家懷疑點解訓練出問題,因為依家香港政府挪用呢啲本來反恐嘅精銳部隊,用嚟對付手無寸鐵嘅示威者,所以平日嘅訓練,焦點都唔放番喺個本分度,而係對付示威者以及相關洗腦教育果度,呢啲郊野戰術,你平日唔時刻操熟佢,一生疏就大件事。呢對情侶可能本意係要維持自己嘅狀態,但因為無教練在旁,亦安排失當,結果離開果陣就膠咗,釀成慘劇。如果政府繼續挪用精銳部隊做鎮壓人民之用,遲早再出事,呢次係一次警告,亦無謂令一位消防員殉職。香港警方嘅精銳部隊,唔係攞嚟對付平民,唔該啲訓練同工作,擺番焦點喺正經嘢度。

發表迴響

你的電子郵件位址並不會被公開。 必要欄位標記為 *