林鄭月娥-倫敦-min

林鄭月娥 係唔係 2004-06年間通常居港?

有人問我一條問題, 林鄭月娥 喺英國期間,佢用特區護照定英國公民護照,大家係無從得知。只不過, 林鄭月娥 喺2004-2006年駐英期間,咁佢算以香港官員身份純粹留駐當地,定係當係通常居住當地,呢個問題,我認為可以用五個指標去量度,有部分公眾可以查。

量度 林鄭月娥 2004-2006年係唔係通常居英嘅五個指標


林鄭月娥 作為英國公民,擔任香港駐英經貿處處長,呢個情況好怪雞,但以下五個指標都可以參考:

  1. 林鄭月娥 當時住喺邊?住喺香港政府提供嘅宿舍,定係自置物業。自置物業一定係有埋交Council Tax。
  2. 林鄭月娥 有無登記做選民。一般Commonwealth Citizen喺英國登記做選民,都未必視為通常居住英國(subject to immigration control under Immigration Act 1971),但如果係英國公民,你登記做咗選民,一定係通常居住英國。而 林鄭月娥 有無登記做選民,可以喺National Archive度查,edited register有無 林鄭月娥 個名,但 林鄭月娥 有可能當時選擇 opt-out,唔列自己個名入edited register,咁就要親身照 林鄭月娥 當時住址查證。
  3. 林鄭月娥 有無交BBC Licence,有嘅,為邊度交,但一般嚟講,根據Hong Kong Economic and Trade Office Act 1996得到豁免嘅住所,都可以唔交。
  4. 林鄭月娥 有無contribute National Insurance
  5. 林鄭月娥 當時嘅NHS,係唔係用英國公民身份享用

但係第二點,一定係最易查,因為英國選民登記視為公開紀錄,呢個概念,同香港以至英聯邦國家都好唔同。其次係 林鄭月娥 在英嘅物業買賣及使用紀錄,如果 林鄭月娥 喺2004-2006年係住喺自置物業嘅話,幾乎我們都可以當佢通常居住喺英國。呢堆問題,對日後打官司有無用,我唔知,但呢啲問題,作為一個行政長官候選人,都好應該回應一下公眾,究竟發生咗乜嘢事咁。

發表迴響

你的電子郵件位址並不會被公開。 必要欄位標記為 *