廉署-min

居歐權 廉署 立案與北京應有嘅疑慮

廉署 已經立咗案,調查林鄭月娥喺西九故宮直接搵嚴迅奇設計,係唔係觸犯公職人員行為失當嘅普通法罪行。如果林鄭月娥係一個乜外國居留權都無,亦未曾持有中國以外國籍嘅人, 廉署 立案就大家食花生睇 廉署 調查結果。雖然一旦有人在任特首期間被 廉署 拘捕,或有人干預 廉署 運作,意圖終止調查,都將會令北京極為尷尬。只不過,依家被人落鑊果個叫林鄭月娥,就有n個疑慮。

廉署 如果就有結果,會唔會潛逃不返?

曾蔭權雖然cheap,但曾蔭權似乎無用佢老婆可能用嘅居歐權,亦無向英國申請番英國公民身份,佢係好光明磊落面對 廉署 嘅調查同法庭嘅審訊,但林鄭月娥,我有以下疑慮:

  1. 如果 廉署 未能喺林鄭月娥赴歐前拘捕她(純粹假設),如果林鄭月娥同由她英國公民丈夫陪同下抵達任何歐盟國家,並行使咗居歐權,咁可以點踢佢走?雖然話可以引渡,但要引渡一個歐盟公民嘅另一半去一個非歐盟國家,恐怕會引發好大爭議。
  2. 林鄭月娥係攞過英國公民護照,美國公民係無翻閹呢樣嘢,你一旦脫離美籍,就要一切重新做過,煩到嘔白泡,所以好少人會重攞美籍咁白痴。但英國公民,退咗之後可以有一次機會恢復,如果林鄭月娥喺當選後申請恢復英國公民身份,並且喺 廉署 採取逮捕行動之前,已經人喺英國,咁引渡難度就更高。雖然有葛柏嘅前例,但葛柏同林鄭月娥唔同係,葛柏當時由英國引渡到仍然係英治嘅香港,基本上係英國內部嘅引渡嚟,但依家香港同英國係兩個主權國家,呢單案好可能會搞出好大嘅政治風波出嚟,假如林鄭月娥真係喺當選後,申請恢復英國公民身份嘅話。事實上,北京根本唔可能知道,喺林鄭月娥當選後,有無進行任何恢復國籍申請,至少要知悉嘅難度極高,好可能要爆咗Home Office個Server至可能搵到相關嘅資料。

所以喺 廉署 立案,加上林鄭月娥曾經擁有英國公民身份,同埋可以行使居歐權(至少要等正式brexit,呢項權利至有可能消失),如果北京真係要林鄭月娥當選,講真,喺政治同法律上都係賭鑊甘,北京賭唔賭得起咁大先?

發表迴響

你的電子郵件位址並不會被公開。 必要欄位標記為 *