曾俊華-催淚彈-min

曾俊華 專訪帶嚟嘅訊息:928催淚彈決定邊個做?

曾俊華 接受《眾新聞》專訪果陣,表示喺2014年9月28日催淚彈鎮壓,佢無份作出呢個決定,亦暗示佢唔同意呢個決定。

曾俊華 作風並非拒絕面對群眾

曾俊華 呢個訪問嘅說詞,好符合我第一身對財爺嘅印象,喺MaD第一屆果陣,最終係有當時 曾俊華 同反高鐵青年嘅對話,果陣嘅對話,我係其中一個有份力勸 曾俊華 見反高鐵嘅其中一個人(我係當時有份主催 MaD 嘅人之一),一個連公開活動都唔怕同反高鐵青年對話嘅人,點會好似社民連班友唔知聽邊個老點咁係咁屈 曾俊華 係力主檢控示威者果個。如果照呢啲歷史脈絡睇嚟,力主檢控社民連示威者,應該係保安局局長李少光,李少光係一件出名嘅人渣嚟,我相信大家都應該唔會反對。

好嘞,如果 曾俊華 係唔同意,亦無份作出放催淚彈嘅決定,咁呢個決定係邊個做?呢個戰略上極其愚蠢嘅決定,不單引發佔中,而且由果日開始,香港社會就返唔到轉頭,咁三司中喺香港果兩個,包括林鄭月娥同埋袁國強,以及保安局局長黎棟國,當時係點做決定,特別政府內部嘅email,呢個係必須要公開,雖然我懷疑依家梁振英、林鄭月娥一干人等,已經毀滅咗啲檔案,以防日後香港出現新政府,對佢地進行秋後算賬。

我相信,928催淚彈呢個決定,好大機會係梁振英呢個變態佬主導,因為唐英年爆嘅內幕顯示,2003年,梁振英條仆街已經想用防暴隊,好彩呢度係香港,同埋習近平並唔會再想犯1989年連佢老豆都挽救唔到嘅歷史大錯,否則以梁振英嘅心理狀態,香港出現大屠殺係唔出奇,屆時 曾俊華 真係會變咗香港版趙紫陽都似。

公眾希望林鄭月娥答吓大家,喺2014年9月28日,海富中心至演藝學院激戰期間,以下幾個問題:

  1. 佢喺邊度,當時佢知唔知金鐘嘅情況?
  2. 如果佢喺香港,佢由邊度得知金鐘戰況?
  3. 放催淚彈決定,佢有無參與,當時佢嘅意見係點?
  4. 依家睇番,佢會唔會贊同呢個決定?
  5. 當時佢知唔知,有人向北京申請向示威者開槍實彈鎮壓?

林鄭月娥被人話係鴿派,公眾都想知道,佢當時有幾鴿派,因為由第一線接觸經驗, 曾俊華 同林鄭月娥係兩回事嚟。 曾俊華 可以儲到一堆薯粉,唔係一日兩日嘅事。

發表迴響

你的電子郵件位址並不會被公開。 必要欄位標記為 *