呂志和-min

呂志和 可以離地到乜嘢水平

呂志和 喺一個公開場合,回應依家嘅高樓價果陣,話依家記者有四至五萬銀一個月,所以只要儲吓錢,應該夠錢俾首期咁話。 呂志和 呢番話離地到無朋友,完全唔知依家傳媒嘅經營惡劣到乜地步,亦唔知道,依家香港物價高到乜嘢地步。

呂志和 完全係堅離地星球嘅人

首先,依家除咗少數西方傳媒駐港記者,大部分都唔可能每月四至五萬銀人工,就算係電視台嘅記者,都未必會有,依家傳媒經營環境惡劣係肯定,否則唔會咁多人會改行做公關,依家好多記者甚至唔望高人工,只要自己做緊嘅傳媒唔執笠,保得住自己份工都好好,雖然依家嘅趨勢係,如果傳媒人無辦法搞自己嘅媒體嘅話,睇嚟未來兩年都會好難有運行,依家啲關公災難同個網關係咁密,傳統關公手法仲頂唔頂得住,我個人好鬼懷疑。

另一方面, 呂志和 亦明顯唔知,依家契丹人搞到市區租金高昂,就算記者一個月有四至五萬銀人工,都未有儲到錢俾首期供樓。依家啲住宅單位,如果唔住劏房,一個月俾萬五銀左右走唔甩,如果一個月四萬銀人工,計埋水電煤,喺外面食飯同交通費,一個有萬五銀儲錢供樓,都唔知要儲幾耐至夠俾辣招下嘅首期,依家係一個月賺十萬銀以上,叫有啲機會去儲錢供樓,否則大家都係成功靠父幹或母幹吧,依家嘅樓市根本係唔合理。

點解有咁多人渴望支爆,無錯,支爆乜事都會發生,而且一旦支爆,經濟同政治都會崩潰,好大機會係天下大亂,問題在於,如果唔支爆,喺契丹無限熱錢流入香港,移民香港不受制止嘅情況下,幾時會有錢買樓?如果政府唔做任何嘢,係一世都唔會有機會買到樓,而結束依家泡沫經濟局面最有效方法,就係支爆,反正都有賭一鋪嘅念嚟。大家睇海航集團果種為走資狂買啟德地嘅心態,都會知道一個現實,就係政府搵幾多土地返嚟,都會被契丹國企買清光,咁要幾多土地供應,至會應付到契丹人幾乎無限嘅胃口,根本係唔可能。

當然, 呂志和 呢種離地言論,對地產商嚟講係關公災難,佢嘅言論正正話俾大家聽,點解大家都咁憎地產商。所以年青人只會更渴望支爆,背後心態查實係攬住一鑊熟。

發表迴響

你的電子郵件位址並不會被公開。 必要欄位標記為 *