垃圾徵費-防偽標簽-min

垃圾徵費 膠袋可以用鐳射標籤認證:你太唔知乜叫契丹國情

垃圾徵費 果啲膠袋,大家都估到,應該會有淘寶貨。嚟自唔知乜叉星嘅黃錦星局長同大家講, 垃圾徵費 膠袋上面有鐳射標籤防偽,所以唔怕有假垃圾膠袋流入市面嘅。啲膠官講啲咁嘅嘢果陣,證明呢班友係唔知乜嘢叫契丹國情。

淘寶乜都有, 垃圾徵費 膠袋上鐳射標籤算得乜

淘寶網上嘅假貨產業,唔係一兩條友所為,而係一個產業鏈嚟,否則世界唔會咁多國家,要求馬雲認真打擊假貨。任何你諗得出嘅假貨手段,除咗偽鈔,乜都有,淘寶網講句難聽啲,真係同果啲販賣軍火毒品假銀紙嘅dark web相距不遠,如果唔係支付寶唔處理,我諗淘寶網一早係Bitcoin世界添,同Dark Web一樣。既然假貨係一條產業鏈,咁果啲全息標籤,鐳射標籤要同你仿製有幾難咁?八十蚊人仔一萬個標籤,加上印膠袋本身都成本極低,你話淘寶淘一大堆以假亂真嘅膠袋有幾難,而且呢啲膠袋又唔似郵票,郵票就話真係每一件寄到人地手上,香港郵政會檢查有無假郵票,但呢啲膠袋裝嘅,你都識講,係垃圾,你覺得垃圾工人會同你scan啲膠袋堅定流,我睇怕真係咁做嘅話,香港啲垃圾站垃圾堆積到爆棚都唔掂。所以,除非由香港印鈔有限公司,用極高成本,極高超技術去印啲垃圾袋,防偽標準等同郵票同鈔票,否則,我睇怕未來淘寶網嘅生意將會十分之好,馬雲真係要多謝你黃錦星。

當然,我覺得成單 垃圾徵費 嘅最大後果,係授權食環署周圍安裝CCTV,搞到香港變成警察城市,較早前蘇豪附近一帶就係啲酒吧唔生性,亂咁將啲啤酒樽四處棄置,造成當地嚴重問題,食環署乘機大肆安裝CCTV,聲稱要防止酒吧亂咁棄置啤酒樽,咁大家諗吓,實際上呢件事,係唔係為 垃圾徵費 後嘅香港,四處安裝CCTV呢件事鋪路。依家好明顯係,因為應該好多人會將垃圾送到街邊嘅垃圾桶棄置,而政府就會以保障政府收入為理由,狂裝 CCTV,但CCTV啲資料會由乜人處理,就完全係零透明度。你話依家有私隱條例,但依家呢個政府真係會尊重呢條條例嘅咩,睇怕啲CCTV錄影送晒去中聯辦都唔知,屆時香港人仲有自由同人權嘅。

發表迴響

你的電子郵件位址並不會被公開。 必要欄位標記為 *