林鄭月娥-選舉呈請-min

應儘早就 林鄭月娥 參選資格提出選舉呈請

林鄭月娥 嘅居歐權問題,依家選管會完全唔敢回應,好明顯, 林鄭月娥 因丈夫而仍然存在嘅居歐權,本身已經係一個大地雷,好有可能令 林鄭月娥 喪失當選資格。但問題嚟,喺選管會依家乜都唔肯做嘅情況之下,點解令呢場鬧劇以法律方法結束。

胡國興或曾俊華應提出選舉呈請,挑戰 林鄭月娥

根據《行政長官選舉條例》第32條,只可以透過選舉呈請(petition)去質疑選舉,而《行政長官選舉條例》下,小圈子選舉確係小圈子選舉,因為只有行政長官選舉嘅候選人,至可以提交選舉呈請。如果長毛或葉劉淑儀有交過表,本來都具備呢個資格,但由於呢兩個人都無交過表,所以佢地係nobody。甚至連選委自己,都唔可以提出選舉呈請去質疑選舉。所以就算長洲覆核王申請司法覆核,都好大機會因為《行政長官選舉條例》嘅明文機制下,直接被法院剔除入稟狀,就算搵選委進行司法覆核,我都懷疑法院會唔會受理,因為《行政長官選舉條例》第32條同第33條嘅機制,係相當狹義嘅。

所以依家呢件事,其實最適合交俾胡國興或者曾俊華嘅團隊,利用法律去挑戰,而胡國興可能比曾俊華更適合,因為佢係前法官、選管會主席,亦曾經係御用大律師,極為熟悉相關嘅程序,可以儘快就呢個問題要求法院作出處理。依家雖然 林鄭月娥 擺出一副贏面好大嘅姿態,但如果依家有咁大個法理質疑喺度,監粗當選係會引嚟好大嘅問題,特別選管會無理由俾《蘋果日報》等咗四日,仍然拒絕回應 林鄭月娥 嘅提名資格係唔係妥當。亦即係當初選舉主任嘅決定,好可能係有問題,而呢個問題,係涉及到《行政長官選舉條例》裡面,對外國居留權嘅定義。

我估選管會會一路拖落去,以為當咗選係神仙,有乜怪事膠事,喺選舉結束後,交俾兩個落選嘅候選人自己處理,如果曾俊華贏咗,咪一天都光晒,我諗選管會係咁嘅心態。但外國居留權點定義,呢個係一個重大嘅法律問題,唔係兒戲嘅事嚟,我希望 林鄭月娥 以外嘅候選人,基於香港嘅利益,儘早提出相關嘅司法挑戰,我相信喺法律容許情況下,公眾願意喺法律費用上作出捐助。

後話:無論BNO問題,定香港選舉嘅居留權問題,都唔關一個whois無資格,用wordpress hosting,藏頭露尾嘅澳門人事。澳門嚟啲五毛特別狗,無論嚟自熱普城陣營,定共黨陣營都係,123事件其中一大遺禍就係共狗特多,我認為Brexit後,英國政府應考慮逐一審視華裔葡國人喺英國嘅居留資格。

發表迴響

你的電子郵件位址並不會被公開。 必要欄位標記為 *