林鄭月娥-居歐權-1-min

選管會乜咁難答 林鄭月娥 居歐權 問題咩?

《蘋果日報》記者四日前,就由小弟提出嘅 林鄭月娥 居歐權問題,向選舉事務處提出疑問,等咗四日,終於等到一個唔係答案嘅答案,就係唔評論 林鄭月娥 嘅居歐權資格,係唔係違反《行政長官選舉條例》中,對候選人唔可以有外國居留權嘅規定。

林鄭月娥 嘅居歐權有無同法律有牴觸咁難決定咩?

林鄭月娥 嘅居歐權點運用,原則好清楚,歐盟指令 2004/38/EC 寫到明,一個歐盟公民嘅另一半,可以點行使喺歐洲自由出入權利,如果選管會聽好似乜乜人喺英國果啲無名無姓五毛嘅法律意見,或者有參考梁家傑資深大律師嘅法律意見,咪直接答 林鄭月娥 仍然合符資格,然後等選委或任何市民就歐盟指令 2004/38/EC 嘅內容寫入稟狀,採取法律行動,咁咪得。如果係唔得嘅,就盡早喺《憲報》作出公報,宣布 林鄭月娥 嘅提名無效,然後曾俊華同胡國興之間大鬥法,屆時土共同商界諗住將啲票點分,選邊個做特首,我唔會有乜嘢意見,因為胡國興同曾俊華都係大家可以接受嘅候選人,大家都係 Anyone but Carrie。

但依家你選管會班友想點,以為咁樣答,啲選民以至市民唔會追 林鄭月娥 嘅居歐權問題㗎,居歐權問題,本來唔係大家認識嘅課題,但近年多咗BNO運用呢項權利,已經多人認識呢項權利,依家 林鄭月娥 咁搞法,全香港都知歐盟指令 2004/38/EC 嘅存在。如果選管會諗住等3月29日英國首相宣布啟動《里斯本條約》第50條機制蒙混過關,呢個係太離譜,因為提名截止前, 林鄭月娥 就唔可以有任何國家居留權,而如果 林鄭月娥 明知自己可能有居留歐盟國家權利,而仍然聲明自己無外國居留權,隨時係虛假聲明,刑事嚟喎,大佬。呢件事選管會有乜睇法,係唔係問緊律政司嘅意見,都唔應該向公眾有個清楚交代,唔係等咗四日仍然得到一個語言偽術嘅答案。

林鄭月娥 就仲詭異,依家已經四日, 林鄭月娥 辦公室仍然未發任何聲明作出回應,中聯辦同文匯大公都好奇怪,又係無任何回應,依家即係點, 林鄭月娥 仲係唔係一個愛國愛港嘅候選人至得架,成班友答吓我都咁難?

發表迴響

你的電子郵件位址並不會被公開。 必要欄位標記為 *