泛民大勝?

似乎鍾庭耀的民調,受到泛民的集體倒屎行動嚴重干擾,至少在新東的快速報票結果顯示,新東的戰術目標是有可能實現的。同樣,港島區亦出現同樣情況。

票站調查結果明顯很難作準,連我都不知會有乜結果。

我在新聞中心,我會持續為大家跟進。

15 thoughts on “泛民大勝?

  1. 如果新東個 trend 維持,應該會死田大少。豉油另外響新西都似會打柴。

    陳克勤入到係幾令人失望;但豉油黨呢類官商勾結專門店 + 政治霸王餐食客響地方直選度煙消雲散,亦未嘗唔係好事。

  2. 泛民於九西無可能得四席, 這樣需要 >70%, 妄想. 四個團隊總有個要輸, 毛毛係俾毓民收皮, 算係咁.

    新西, 周梁應該輸左; 自由黨只能看田少.

    泛民於地區應該得 17/18 席, 因為新西 + 九西 + 九東 + 港島 = 5/8 + 3/5 + 2/4 + 4/6 = 14/23, 新東= 3 or 4/7 (睇田少)

  3. 麥當勞兄:

    計數,九西就真係點都會死一件泛民;DAB同鼠王配票,冇可能配唔成。不過個人寧願死阿「緊身」好過。始終匯標單嘢太大包袱,嚴重打擊佢嘅戰鬥力。阿毛話晒係新面孔,都叫做有少少生氣…

  4. 阿涂係警監做左好多野, 佢所有其他泛民成員都唔可以相比的. 毛毛自己開口夾著利, 無法.

    毓民係唔向阿涂開炮的, 只會向毛毛同基哥開炮, 知其重要與特殊性吧.

  5. 林忌係自己地頭話「原本」泛民可以有四席, 發夢, 你識配人地唔識, 家下人地肯訓低任你強咩? 博到係好彩, 博唔到係應該.

  6. Miss Mo輸一個好大原因,是她沒有在黃毓民發炮攻擊她,即時有效還擊。

    她輸,我是預期之內。雖然林忌講,查實是泛民傳統一堆雙重標準,律人以嚴,律己以寬問題。

  7. 「律人以嚴,律己以寬」都講唔通.

    家下發爛渣的係何秀蘭的助選團與支持者, 傳媒又唔係毓民控制, 同毓民支持者利用譚香文攻擊公民黨, 跟本係唔同的人, 不能通稱為「泛民」而攻擊之.

  8. 麥當勞兄:

    林兄啲中產+自由經濟情結好重,係咁0架喇。

    我從來對香港啲中產不寄厚望 – 早排蔡子響日月報出過篇嘢,踢得好應棍;再耐啲嘅,n年前左右林行止講阿根廷財政危機嗰陣都寫過,部分獨裁政權下嘅中產,可能會認為自己係現有制度嘅得益者,因而極力抗拒民主化。香港中產唔完全係咁,但經濟右傾得好緊要,因此而將政治立場逐漸右傾,真係好難講…

發表迴響

你的電子郵件位址並不會被公開。 必要欄位標記為 *