五毛黨-min

支持林鄭月娥要動用 五毛黨

當一個政權嘅支持唔穩陣,出動偽報,搞 五毛黨 ,幾乎係肯定嘅事,袁世凱想稱帝,但不得人心,袁克定都要搞份偽造嘅《順天時報》出嚟壯膽。喺facebook時代,就會有 五毛黨 出現。

五毛黨 咪當呢個世界啲人傻至得

五毛黨以為自己唔會被發現,實情當然唔係,眾傳媒透過 TAF Data 嘅系統,發現近日林鄭月娥相關嘅五毛黨數目暴升。依家係一個大數據嘅年代,五毛黨 手法只要粗糙少少,都走唔甩大家嘅法眼,依家契丹五毛黨 ,膠到一條友留咗401次言,玩copy and paste都唔駛咁盡嘅。

我喺呢段期間,特別攞啲為林鄭月娥做宣傳嘅五毛黨做研究,雖然好多五毛黨都好醒水,避免喺我管轄嘅範圍留膠,但仍然有人喺蘋果我寫嘅文搞事,由於依家蘋果係用standard facebook SDK,所以啲五毛黨嘅profile俾我搵到,一樣可以寫入五毛黨名冊。而我搜集到幫林鄭月娥嘅五毛黨,我用Google Doc做咗份表,並初步分析佢地所用嘅登記資料

我發現呢件事,有幾個特色,而呢啲特色可以反映到,呢個做事咁粗糙嘅集團,已經維持運作咗幾年,同埋係一直都係果班友做。

  1. 一條友開n個無頭account,以往有Across Young,依家有Frank Ma,而且都係有開定空頭account隨時備用嘅習慣。所以,都好肯定係過往中聯辦指揮嘅hihi做
  2. 呢班友好多用hotmail, yahoo同埋太空咭呢啲old school到爆嘅開戶口方式,一方面,呢堆戶口好可能雪藏咗一段日子,依家喺重要場合就攞番嚟用。但另一方面,少用gmail嘅原因,可能係怕google本身嘅監視機制,因為google唔會俾同一Ip,同一手機用作開太多戶口,本身有好唔錯嘅防範 五毛黨 自我繁殖機制,所以繼續要喺yahoo,hotmail同太空卡呢啲平台上搞事。甚至唔少hotmail戶口,都係以往買落,因為依家hotmail戶口都係微軟戶口一部分,好多應該要開outlook.com。

日後如果用big data,去分析呢班五毛大賊,應該更有趣。幾十件退休老人,喺度偽造好似好多人嘅民意,都係一件好有趣嘅事。

發表迴響

你的電子郵件位址並不會被公開。 必要欄位標記為 *