丁葉燕薇-郵政署長-min

丁葉燕薇 又係靠毀滅香港歷史上位㗎?

丁葉燕薇 突然間由郵政署長升做候任行政長官辦公室秘書長,大家都好奇呢條友,除咗個樣似林鄭月娥,可以做林鄭月娥嘅影武者之外, 丁葉燕薇 又係靠乜嘢上位,可以升得咁快。只不過,大家喺互聯網一搵,呢條友好大機會,係靠擦共產黨鞋,同毀滅香港歷史嚟上位。

丁葉燕薇 兩大講政治嘅「功績」

本來香港郵政,係一個商業性質濃厚嘅部門,本來唔應該掂咁多政治,只不過, 丁葉燕薇 喺任內,就搞咗兩次政治審查,呢條友根本係靠討共產黨歡心上位,先睇皇冠郵筒被破壞事件,當時 丁葉燕薇 係點應

新加坡離開海峽殖民地無耐,都拆鬼晒啲皇冠郵筒,只不過,新加坡後來發現呢個簡直係一大蠢事,搞到新加坡嘅郵政博物館裡面果個皇冠郵筒,竟然係由香港郵政所捐贈嘅荒謬事情發生。 丁葉燕薇 大規模破壞皇冠郵筒嘅作為,同林鄭月娥拆毀皇后碼頭嘅作為一樣。拆皇后碼頭果陣,林鄭月娥已經退出咗英國國籍,所以唔可以話佢叛國(有居歐權都好,都唔可以話佢叛國),但 丁葉燕薇 ,我唔知依家佢係揸乜護照,因為佢好大機會透過British Nationality (Hong Kong) Act 1990(居英權計劃)得到英國公民身份,呢啲友仔,如果有揸任何英籍護照,都可以當佢係叛國賊論。

跟住,去年新界東補選,同埋國會大選,香港郵政走去屎忽痕,審查候選人選舉通函嘅內容,有自決、獨立相關內容全部唔俾,咁又係邊個做㗎,無錯,又係 丁葉燕薇 。呢個人,簡單嚟講,為咗上位,一啲底線都無,同林鄭月娥唔只個樣一樣,係連行事方法都極其相似,如果 丁葉燕薇 真係轉任問責官員,都唔知佢坐邊個位,如果坐係保安局、發展局、民政事務局呢啲位,真係隨時香港陷入大浩劫都似。

林鄭月娥上台用乜人當政,實在令人擔心,只怕,部分梁營嘅人係被換走,但林鄭月娥搵晒政務主任職系裡面最人渣嘅人上位,屆時唔好話政務官,稍為正常嘅人都要三十六著,走為上著。究竟一個禮拜後,香港會變成乜嘢世界,我真係唔敢估,但如果林鄭月娥真係上位,我相信真嘅港獨運動亦會好多出現。

發表迴響

你的電子郵件位址並不會被公開。 必要欄位標記為 *