民主黨-自由黨-薩長同盟-min

民主黨 自由黨 薩長同盟締立成功

民主黨 同自由黨田北俊系人馬,幾乎同步宣布會支持曾俊華。民主黨係召開記招宣布,而田北俊由於薯粉形象過於強烈,所以由周梁淑怡呢個同飛哥同輩嘅黨內元老宣布呢個決定,時間同 民主黨 差唔多。再加上公民黨all-in嘅決定,依家得自決派、社民連,同少部分社福界,唔知乜原因,為果啲唔知乜原則,仲要堅持喺呢個局勢,支持曾俊華。

民主黨 自由黨 知道大局係點

點解公民黨要咁急all-in,呢個應該係商界同民主派締結薩長同盟嘅條件嚟,因為如果泛民最大兩黨都唔倒票入去,你叫商界邊敢倒飛入去,所以公民黨咁急倒飛入去,係可以理解。 民主黨 同自由黨同步公布,應該係一個聯盟締立成功嘅同步訊號,張宇人果啲hihi我唔敢包,但由於呢次係暗票,喺自由黨元老直接控制範圍嘅商界抵抗票,都應該會入番晒曾俊華個袋到,有機會出現兩輪作戰嘅局面,特別依家支持林鄭月娥,都係中聯辦一面之辭,對部分土共嚟講,佢地都怕會跟車太貼,然後車毀人亡,所以隨時有唔少廢票或白票出現。

民主黨 同自由黨係知道大局,佢地知道林鄭月娥上台嘅結果。對於社民連,我唔會再游說呢班友,呢班友係只聽一個老點名嘴講,我費時開名俾果條友向北京claim錢,但呢啲假社會民主主義政黨,我認為早日執笠比較好。所以,我依家只會勸番自決派,同部分社福界人士,要睇清大局。

對社福界嚟講,林鄭月娥係一筆過撥款嘅始作俑者,如林鄭月娥嘅死不認錯性格,我可以講,曾俊華或胡國興上台都會取消一筆過撥款,但林鄭月娥係唔會嘅,咁點解部分社福界人士,特別係張昭雄,點解係要私怨行先,乜私怨真係大過天嘅咩?

對於自決派,我希望你們再睇丘光耀篇文,今日好不幸,丘光耀被馬華班仆街迫害,屈佢侮辱首相,搞到佢喺檳城被人拉,再送到柔佛警局問話。講真,馬華啲仆街手段,都係承傳自前首相馬哈迪,但為咗大馬前途,丘光耀都出文叫大家團結今日嘅馬哈迪,講真,曾俊華遠遠唔及馬哈迪,點解唔可以團結今日嘅曾俊華?我相信你班友,唔係某位過氣老點名嘴嘅扯線公仔。

未來七日係香港最關鍵嘅日子,每票都重要,我希望你們作出正確決定。

發表迴響

你的電子郵件位址並不會被公開。 必要欄位標記為 *