笑L咗-min

新浪香港搞 Content Farm 笑L咗

大家都知,我一向對Content Farm係反感,而近排有個想扮 9gag 嘅 content farm,叫 笑L咗 ,係咁喺facebook賣廣告,我覺得好奇怪,因為Content Farm好少會賣 Facebook 廣告。所以令我對 笑L咗 由邊班人經營好有興趣,但都可以幾肯定唔係大榴槤。

笑L咗 持有domain係新浪香港

要查 笑L咗 實際持有,梗係查WHOIS,而Godaddy Whois雖然好多資料冚埋咗,但好奇怪,係有商戶資料查到,如下圖

笑L咗-3-min
笑L咗-3-min

咁根據個地址,查實好易查到呢間嘢嘅背景,無錯,間公司嘅地址同電話,同新浪香港完全一樣。

笑L咗-2-min
笑L咗-2-min

連新浪香港呢啲契丹公司,都要用呢啲遮遮掩掩嘅方法搞 Content Farm ,我只會諗到兩樣嘢,呢兩樣嘢都係十分之唔健康,我認為呢類大公司撐腰嘅內容農場,比香港經濟日報集團果啲網站仲要衰多兩錢重

  1. 係咪用 笑L咗 呢啲高登式內容,想重覆「時聞香港」、「BB頭看世界」嘅模式,暗中散播中共嘅有毒政治宣傳,如果係咁嘅話,我嘅答案好簡單,你有like 笑L咗 係要即時unlike,又有錢賺又要搞政治宣傳嘅生意,點解要益呢啲粉腸。我相信新浪香港故意唔將 笑L咗 同新浪香港有關係呢點隱暪都係呢個原因。雖然新浪香港都好唔L愛中國,唔用阿里巴巴,或者中國移動,反而用係HKNET嘅IP,即係NTT香港,有錢都俾日本仔賺,笑咗。
  2. 笑L咗 果啲笑話,係咪自己原創,定係左抄右抄。 9gag 可以生存,因為 9gag 唔係 content farm, 9gag 係有投入喺內容創作。但 笑L咗 啲內容喺邊度嚟,你見連新浪個名都唔肯出嚟,係咪怕一旦有乜問題,就俾人直接claim到去新浪香港分公司?

但無論如何,新浪又好,香港經濟日報又好,新傳媒又好,呢種投身內容農場嘅做法,不單有損香港傳媒生態,而且亦都嚴重內容廣告市場,本來網上廣告可以養好多唔同嘅小型網媒或傳媒,依家中共嘅做法,我覺得真係過於不擇手段,而回應呢種手段嘅方法,亦唯有公開杯葛呢啲內容農場。

發表迴響

你的電子郵件位址並不會被公開。 必要欄位標記為 *