BNO-印尼-min拷貝-min

BNO 喺印尼係有免簽的

中聯辦一向以謠言亂港,大家都知。其中最多針對嘅謠言,就係 BNO ,因為 BNO 係代表香港有權不向中共效忠嘅指標。而 BNO 有無得喺印尼同越南兩國免簽,就好多人關注,因為之前嘅資訊一片混亂,有啲人得,有啲人唔得,乜版本都有。

BNO 係印尼有免簽確定,越南都係印evisa穩陣少少

根據最近嘅人肉測試結果,包括喺香港人常去嘅Batam,同巴里島嘅結果,都係免簽,所以 BNO 持有人,可以唔駛再去印尼駐港申請簽證,因為印尼政府幾乎已經確定 BNO 係有印尼免簽資格,應該印尼政府同英國政府有溝通過。畢竟唔係個個政府好似日本政府咁, BNO 喺日本嘅免簽,係由英-日兩國嘅條約所保障,呢樣係好唔同(英國有極力幫 BNO 爭權益另一例子)。

至於越南,我都會建議 BNO 先攞evisa穩陣,雖然都係多個關口都係免簽,問題係 BNO 喺部分越南關口,會當成 BOTC (BDTC) 處理,我唔明點解 BNO 同 BOTC 可以有關係,因為 BNO 已經用獨立嘅代碼 GBN ,而唔係 BOTC 用開嘅 GBD ,但 GBD 呢個代碼,仍然出現喺部分 BNO 嘅越南簽證上面,究竟呢件事背後搞邊科,我真係自己都一頭霧水,得越南同英國嘅官員自己知道背後嘅內裡乾坤。

其實 BREXIT 前後,都可能有好多變化,大家要密切留意。

但有一樣嘢係肯定,係依家 BNO 嘅處理,除咗大韓民國外,大部分國家已經將 BNO 同 BC 一樣合併為英國人處理,而特區護照如果仲唔改番用 HKG 呢個代碼嘅話,好多國家喺處理果陣都當 CHN ,其實會有好多問題,因為 CHN 即係中華人民共和國。依家好多時要識別特區護照,係用一啲特區護照獨有嘅資料(一般係HKID),去區分呢本係中國護照定特區護照,但一定越嚟越無著數,所以我勸各位,如何可以 renew BNO 嘅話,就去 renew BNO ,唔好再用特區護照,特別依家 BNO 都有印尼、白俄免簽,同埋 BNO 去越南好大機會都係免簽。至於去俄國呢個鬼國家,除非你極熱愛芭蕾舞同古典音樂,否則俄國去嚟做乜。

One thought on “BNO 喺印尼係有免簽的

  1. 至於越南,我都會建議 BNO 先攞evisa穩陣,雖然都係多個關口都係免簽,問題係 BNO 喺部分越南關口,會當成 BOTC (BDTC) 處理,我唔明點解 BNO 同 BOTC 可以有關係,因為 BNO 已經用獨立嘅代碼 GBN ,而唔係 BOTC 用開嘅 GBD ,但 GBD 呢個代碼,仍然出現喺部分 BNO 嘅越南簽證上面,究竟呢件事背後搞邊科,我真係自己都一頭霧水,得越南同英國嘅官員自己知道背後嘅內裡乾坤。

    會唔會係因為果位BNO持有人本身拎過BDTC,所以越南簽證好自然會寫GBD唔係GBN?

發表迴響

你的電子郵件位址並不會被公開。 必要欄位標記為 *