特首選委論壇-檯面-林鄭月娥-習近平-min

林鄭月娥 寸人都寸出關公災難 :習近平張檯好乾淨

林鄭月娥 呢次選戰有一個特色,可能 林鄭月娥 無拜關公,所以關公災難成日搵佢。 林鄭月娥 寸曾俊華張檯好乾淨,都可以即時俾中國問題專家呂秉權直接抽水抽乾,無錯,中國國家主席習近平張檯係好乾淨,咁樣,你係咪話習近平好有問題咁。

林鄭月娥 文件堆積係自己搵嚟搞

其實 林鄭月娥 話自己檯上文件好多,係用咗自己把口,間接證實中央政策組前全職顧問劉細良講, 林鄭月娥 根本係control freak,呢啲又一次自己製造空門俾對方射入網嘅白痴舉動,我都未見過一隊波啲防守漏洞多到咁樣狀態,簡直係匪夷所思。只不過,用習近平張檯嚟潤你 林鄭月娥 ,你 林鄭月娥 更大鑊咁解,依家係叫唔識抽水,抽水點知抽著鏹水。抽著火水,唔點火都好安全,但抽著鏹水就另一回事。

曾俊華作為財政司司長,檯上儘量少printed documents係有道理,因為如果有人將政府財金政策嘅嘢,暗中影印,甚至用手機影低,根本係一件好危險嘅事。所以檯上最好無文件,有文件用iPad,或者手提電腦喺雲端上睇咪得,依家用雲端係更加安全,否則Amazon都唔會係咁sell GovCloud solution。當然,黑客都係一個問題,只不過,依家黑客要攻入AWS、GCP一類已經高度成熟嘅雲端平台,亦都唔係一件咁容易嘅事嚟。呢個亦解釋到點解,林鄭月娥facebook又唔識,用IT嘅嘢就引出一堆嬲嬲出嚟, 林鄭月娥 好大機會係果啲,要求下屬乜都print出嚟嘅唔環保膠上司,香港好多公司,好似 林鄭月娥 咁嘅年紀嘅上級,都有呢種壞習慣,相信好多秘書或文員,都見識過呢挺膠人。唔知依家係電腦時代,唔肯學,又恃住有官威,啲紙同碳粉又唔係自己錢,咁梗係老虎魚蝦蟹都要印晒出嚟喇,咁樣至睇得舒服咁話。

喺雲端年代,乜嘢叫work hard又work smart,就係香港有一個好好嘅寬頻基建,好多企業同大機構,都文件雲端化,如果政府唔係用阿里雲呢啲膠方案,無論Google Cloud Platform、AWS定係IBM Bluemix,邊個都係,大家都喺雲端上搵資料。甚至政府檔案盡量數碼化, 林鄭月娥 駛鬼檯頭有啲陳年舊file阻住晒咩。喺一個大家講緊要bigdata嘅年代,你 林鄭月娥 仲以為檯頭多文件叫勤力,呢條友個腦真係完全唔同依家啲人同行,disconnect就有佢份。

發表迴響

你的電子郵件位址並不會被公開。 必要欄位標記為 *