特首選委論壇-2-min

特首選委論壇 : 選委提問尾段評論

由於 特首選委論壇 公眾提問部分,係十分之沉悶同無火花,所以依家可以有一啲時間,寫一寫選委提問部分尾段部分評論。選委提問尾段,林鄭月娥嘅策略係無恥,而呢部分,鄺葆賢醫生(九龍城區議會黃埔西選區)嘅提問,係咁耐以嚟,少數可以睇到三位候選人嘅本土議題嘅睇法。

胡國興同曾俊華都尊重本土,林鄭月娥去死吧

如果有本土派暗助林鄭月娥,我可以用奸細嚟形容呢啲暗助林鄭月娥所謂本土派(當然好多係熱普城啲hihi),因為林鄭月娥嘅本土議題立場,係不知所謂。

曾俊華係用打擊假結婚,假團聚嚟回應,呢個係得體,因為假結婚,假團聚確係一個問題。胡國興用循序漸進方式,攞番香港移民嘅審批權,呢個都係一個合符本土派訴求嘅答案,但林鄭月娥答咗乜嘢,一味加資源,咁一百五十名單程證問題,點解決,原來香港有無限嘅資源㗎?證明林鄭月娥係一個不折不扣嘅賣港賊,用一條本土議題就可以試出,呢啲候選人係向北京負責,定向香港人負責。而林鄭月娥,好大機會,係只係向北京負責,呢啲本土議題,反而比乜嘢平反六四、831、23條等等,更加能測試一個候選人係真心關注同維護本土議題,定係喺本土議題上只係得個講字。

而林鄭月娥喺選委提問後段,用燒晒自己嘅時間,答非所問嘅方法,呢個就係一個迴避公眾問責嘅手法,呢種策略係合法,合規矩,只不過好無恥。如果我係選委,根本唔可能投票支持一個拒絕向公眾問責嘅特首候選人。仲要依家,林鄭月娥仲有好多嘢係未向公眾交代,包括公務員關係問題、居歐權問題、馬會沙田土地問題,等等等。都仲未計佢果啲半夜三更發聲明,完全當傳媒無到呢種無賴手法。

呢次 特首選委論壇 ,咁多選委提問嘅honourable mention,係鄺葆賢醫生,鄺葆賢醫生係有盡一個本土派嘅本分,問番本土派高度關注嘅民生議題,試出三位候選人喺本土問題嘅真心程度,呢次大家都應該多謝鄺葆賢醫生嘅提問,至少大家焦選錯佢做選委。喺成個論壇結束後,我會再提番幾個有做足功課嘅honourable mention。

發表迴響

你的電子郵件位址並不會被公開。 必要欄位標記為 *