特首選委論壇-min

特首選委論壇 : 頭一個鐘嘅評論

特首選委論壇 大家以為無火花,但估唔到,呢次變咗圍抽論壇,林鄭月娥係咁捱打,不斷被選委、胡國興同曾俊華圍攻,除咗葛珮帆果個極過份嘅提問,其餘時間林鄭月娥都係捱打,因為林鄭月娥有太多問題。

特首選委論壇: 胡國興同曾俊華都爆seed

特首選委論壇 第一個鐘,胡國興同曾俊華都完全係爆seed,放開嚟打,胡國興係咁助攻,打到林鄭月娥落花流水,抽水抽到絕。曾俊華,由於放開嚟打,所以言論係最放,有邊幾方面:

  1. 曾俊華支持香港電台成為第二個BBC,我個人作為香港電台節目顧問團成員,表示歡迎。
  2. 指責林鄭月娥係三低特首,又指責林鄭月娥係黑箱作業,甚至不斷抽稱林鄭月娥喺公務員問題,完全放開嚟打。

胡國興,可能因為個論壇比較早舉行,佢嘅精神十分之好,除咗初段有少少眼瞓,之後一路打得好放,真係打出作為一個好打得嘅御用大律師嘅身價,比起上次嘅表現,真係差天共地。

好多親共陣營嘅選委,係唔敢問,定無抽到,我真係相當疑惑,因為依家親共陣營選委,係怕露底俾牌曾俊華上,怕自己嘅立場暴露出嚟,投唔到暗票,定係以為林鄭月娥當選緊,就由得泛民班友問飽佢算數,呢個係我十分之疑惑。但呢個鐘,林鄭月娥係咁被人打被打抽,而親共人士,甚至連歡呼聲都無,搞得唔好你以為係泛民主辦嘅選舉論壇,呢個係一件極之詭異嘅事情。呢件事究竟係點搞出嚟,我要睇埋第二個鐘嘅選委論壇先知,因為呢個 特首選委論壇 ,完全無廣告時間,同上次七台聯播嘅時間,因為要播廣告同埋要符合廣管局嘅牌照要求,所以會有新聞同廣告break,我寫起嚟無咁大壓力,呢次就寫實時評論辛苦好多,可能要完咗至分析到。

最後,我要重點譴責葛珮帆議員(立法會新界東選區議員,民建聯),就蕭芳芳被薯粉指責﹐而抽曾俊華水,咁周融同HKGPao報圍攻庫斯克,果件係乜事。我作為互聯網專業協會永久會員,譴責呢條友嘅作為,大家係時候向葛議員表達自己嘅憤怒:

發表迴響

你的電子郵件位址並不會被公開。 必要欄位標記為 *