曾俊華-眾新聞-min

曾俊華 回應眾新聞讀者反映咗乜?

香港政府對網媒嘅態度,一向令人詬病,不過 曾俊華 破天荒喺facebook回應眾傳媒一名讀者嘅回信,就某個程度上反映,邊一位特首候選人當選,對自由媒體嘅態度都會唔同。站喺一個營運緊一個近乎廿四小時評論同調查報導網站嚟講,特首候選人呢方面嘅態度係重要。

曾俊華 應該會開放網媒採訪 林鄭月娥? 哈哈哈

眾傳媒係一個政治立場上偏黃嘅網媒, 曾俊華 願意回覆一封讀者來信,我相信如果曾俊華當選,佢對網媒嘅態度會係開放,相信大家唔會反對要有所保留態度嘅網媒,只有做嘢唔守底線嘅熱普城系統嘅網媒,呢個係黃毓民自己搞出嚟,與人無尤。但係林鄭月娥,你見佢到依家對劉細良喺政府任職期間嘅質疑,同埋對我提出嘅居歐權疑問,係連深夜回覆都費時,你知道將會發生乜事。換言之, 曾俊華 上台,有望出現一個對網媒友善嘅環境,相反,一旦林鄭月娥上台,我真係懷疑政府仲會對傳媒保留有幾多開放程度,一個經常深夜回應傳媒質疑,甚至有啲關鍵質疑可以永不回應嘅時候。

所以我唔明有啲所謂左翼網媒,特別獨立媒體,會登一啲可能對林鄭月娥有利嘅文(無錯,廿八屆中大學生報莊員朱江瑋寫果篇文),我完全無法接受果啲認為曾俊華低票無問題嘅倒米文,其實我喺昨晚深夜寫果篇文,我用咗丘光耀嘅戰略框架講得好清楚,過往嘅曾俊華都可能係evil,但大敵當前,唔係應該要捉住依家嘅曾俊華,至少日後曾俊華要搞封閉都無咁容易,因為佢喺選舉期間係做得極之開放。點解要或明或暗支持一個敵視網媒嘅候選人,我真係完全唔明囉。

但係 曾俊華 回應黎太最後果句,其實係好灰嘅一句嚟

黎太,有一天當你孩子長大,假如活在一個比今天更美好的香港的話,希望他記得,是因為今天還有你、還有我、還有無數的香港人一起為這個夢付出過。

曾俊華 如果呢仗功敗垂成,香港就真係要走上革命之路,好多人以為我危耳聳聽。大家似乎唔記得一點,好多香港年青一代連BNO都無,喺世界各國移民政策被契丹人累到越嚟越對香港新一代不友善嘅今日,只剩番係困獸鬥,而困獸鬥就係革命嘅溫床。但梁振英同張曉明,仲係以為沈小民嘅判決係有效用,我睇怕既然乜都無做都暴動罪,不如做香港共和軍算,大家明我噏乜。

發表迴響

你的電子郵件位址並不會被公開。 必要欄位標記為 *