上環街市-食肉菌-min

上環街市沖廁水有 食肉菌 反映啲乜

近排有兩單 食肉菌 嘅個案,只不過,有一單 食肉菌 個案同食環署嘅設施有關,因為有一位年老嘅糖尿病人,喺上環街市嘅公廁如廁,被沖廁水濺到傷口,感染 食肉菌 ,最後因感染而身亡。

高永文講到 食肉菌 好似好閒咁,只不過依家係食環署啲公廁有呢個問題,呢個係公廁衛生問題有關,你高永文唔係以為公眾唔識,就可以將責任卸得一乾二淨嘛。

食肉菌 同食環署公廁乾淨度問題

香港政府管嘅公廁,乾淨度喺英治年代係好有問題,細個果陣通常對政府管嘅公廁避之則吉,但喺彭定康管治後期有改善。但香港政府公廁叫似下樣,至少乾淨度同設施係叫可以接受,係2003年沙士之後,因為沙士同廁所有關係,曾蔭權做香港首席掃街茂果陣,係整頓過政府公廁清潔。香港商場啲公廁定期翻新,定長駐清潔工人,都係沙士之後嘅結果。

依家香港啲商場,普遍係持續保持公廁嘅清潔度,只有已經落入契丹財團手上嘅商業大廈,公廁管理至急劇惡化。至於香港政府啲廁所,呢一兩年嘅潔淨度簡直係越嚟越差,就算喺商業中心區,有唔少達官貴人人有三急都會用嘅拱北行公廁,都係衛生情況惡劣。究竟依家高永文,有無做好廁所衛生監督呢個責任。沖廁水有 食肉菌 ,其實就係反映個廁所保養有問題,咁係唔係應該考慮翻新公廁,同埋檢查上環街市嘅沖廁水系統,本身有得衛生隱患?依家只係話啲細菌一直存在喺社區,搏民建聯啲人只係識俾蛇齋餅粽就可以咁想甩身,你條友都有啲唔負責任咁。

如果你係有長期病患,其實香港政府啲公廁都係避之則吉,因為唔知有乜人用,特別係果啲契丹遊客,同香港年長一輩同基層啲衛生意識差,所以如果公廁無長駐啲人喺度,其實衛生係好有問題。但更重要係,依家香港政府啲人無咗果種責任心,而由於兩個市政局被廢,而區議會又無實權,所以當首席掃街茂曾蔭權唔再掌權之後,公廁衛生就慢慢無人去重視,亦無人認真監管啲外判商,喺保養同管理上面合唔合符現代嘅要求。大家記住,喺市中心嘅公廁都有呢個問題,其實離開市中心地區啲公廁往往係更加無皇管。

發表迴響

你的電子郵件位址並不會被公開。 必要欄位標記為 *