風雲-鄭嘉穎-謝天華-min

鄭嘉穎 同 謝天華 肥過架電單車仲想演 風雲 ?

星期日寫娛樂好正常,不過自我離開《南華早報網站娛樂炸彈》同《招職》後好少寫娛樂,不過,昨晚《博愛歡樂傳萬家》,鄭嘉穎同謝天華演 風雲 ,挑戰膠嘅極限,肥過架電單車仲想演 風雲 收人九百八十蚊一張飛,你班友無嘢嘛,真係唔寫對唔住自己。

風雲 5D音樂劇未公演先割凳

謝天華同鄭嘉穎,如果佢地keep得住最fit果陣嘅身型,咁佢地演 風雲 音樂劇,收人最貴九百八十蚊一張飛,我都覺唔係完全無道理。當然,郭富城同鄭伊健係公認最佳配搭,除咗個樣之外,大家都知呢兩個人keep得自己身型幾好至得。但依家一上《博愛歡樂傳萬家》,大佬,你兩個中坑,簡單嚟講,兩個中年發福嘅「佬」,肥過架電單車走去扮步驚雲同聶風,仲要收入幾舊水一張飛,街外啲Cosplayer都專業過你兩個麻甩佬,除非你兩件麻甩佬演係步驚暈,同食風,咁或者另作別論,只不過可以肯定,依家咁嘅樣,未公演先割凳,要走去海關引用《商品說明條例》投訴你地兩個,定係立即走去Box Office退飛免得眼冤,因為依家正常嚟講,個造型搞成咁,真係送都未必有人去睇,不如去睇cosplayer嘅表演都專業過你地班神棍喇,係唔係?

香港娛樂界近十幾年搞成咁,因為好多香港娛樂人,根本係唔專業,亂嚟一通,如果係搞 風雲 音樂劇,一係鄭嘉穎同謝天華搵專業健身教練,操到自己好fit,好似荷里活啲動作男星咁,一係,就搵新人去做,希望發掘新人才,而以 風雲 嘅情況,搵新人去做,其實係最好嘅做法,荷里活好多一線男星,都係喺百老匯果度發掘出嚟,有音樂劇或舞台劇底子再進軍電影,其實係健康得多嘅產業鏈。依家 風雲 搞成咁,呢個情況最膠,馬榮成嘅心血被侮辱,本來上電視表演想谷票房,點知露底全城都知你班友膠到無朋友,我真係想知個場裡面有乜觀眾,甚至有觀眾都可能係一堆高登花生友,入去當睇《歡樂今宵》趣劇咁睇,仲要好大機會係贊助商送飛嘅,咁又情何以堪。香港娛樂界呢幾年發生最多嘅事,就係自取其辱,觀眾對好多嘢嘅要求高咗好多,唔可以仲用以往嘅山寨手法去經營一件事。

發表迴響

你的電子郵件位址並不會被公開。 必要欄位標記為 *