垃圾徵費-min

垃圾徵費 ?梁振英班仆街玩雙重課稅?

香港政府會喺今日公布 垃圾徵費 詳情。將會好似台灣同日本咁,要問政府買專用垃圾袋,政府喺專用垃圾袋上賺嘅錢作為 垃圾徵費 。用自己私家垃圾袋將垃圾塞入戶外啲「劉江華」度,可能被視為亂拋垃圾。呢個制度,我係強烈反對,因為呢個根本係雙重課稅,你香港政府未廢除差餉之前,都咪駛旨意搞 垃圾徵費 ,叫班仆街去死。

差餉就係 垃圾徵費

香港叫做差餉嘅Rate,喺英國北愛以外地區,改咗名叫Council Tax,Council Tax顧名思義,就係俾Town Council嘅費用,喺英國,潔淨服務係Town Council嘅責任,所以Town Council一般係對建築廢物額外收費,但家居廢物係唔會咁收費,因為你俾嘅 Council Tax係包咗,喺英國有人敢提 垃圾徵費 ,個執政黨等執笠。喺香港,喺兩個市政局未被董建華條仆街廢咗之前,差餉係撥歸兩個市政局,而兩個市政局就係負責收垃圾嘅部門,所以香港人係俾咗 垃圾徵費 ,咪俾啲環保左膠同政府昆咗,熟英國政制嘅人,唔會同意任何乜嘢 垃圾徵費 措施。

係家政府喺無交代差餉點用嘅情況下,玩 垃圾徵費 ,即係玩雙重課稅,任何 double taxation,就係只係雙重課稅一舊水,都係唔公義嘅。依家港府得兩條路可以揀,一係直頭廢咗差餉佢,任何市政服務嘅撥款,都係由唔同嘅徵費蒐集而成,只不過,呢種做法一定會成本大增,至少行政成本大增。一係,就減差餉,減幅同每個單位預計 垃圾徵費 相若,咁真係可以做到用者自負,以及令業主立案法團,同埋一般住戶有決心去節省金錢環保,雖然我都預計會有大批人喺街上嘅公共垃圾桶,特別係港鐵、大型商場果啲垃圾桶偷偷棄置垃圾,件事將會膠到無朋友,而鄉村地區喺官地或荒地亂拋垃圾嘅情況,亦只會更加嚴重,因為人人都想避交呢筆錢。

但我只係以公共財政嘅公義角度睇,如果政府唔解答呢個雙重課稅嘅問題,我話你知講到環保有幾偉大,我都會反對 垃圾徵費 到底,因為今日可以因垃圾而雙重課稅,日後有一百個理由雙重課稅,政府怕唔夠錢用就唔該停晒啲大白象工程。

發表迴響

你的電子郵件位址並不會被公開。 必要欄位標記為 *