丘光耀-min

香港泛民當學 丘光耀

南洋人講政治一向都係粗口橫飛加拳拳到肉,大馬尤甚,我已經幾克制少講南洋例子,因為泛民有啲做法,喺南洋只會當成白痴(無錯,係白痴。)如果講用粵語論政,全世界可與黃毓民一戰,其實有一個人,呢個人係馬來西亞嘅 丘光耀 。一個中大歷史系攞 Ph.D 嘅同你講漫畫,同你講李小龍,同你用粗口屌柒一眾政棍, 丘光耀 敢認第二,無人敢認第一。

佢喺馬來西亞《東方日報》(呢份報紙同香港《東方日報》無關,呢份報紙主要服務東馬地區),寫嘅《換作你是馬哈迪》,我認為香港所有泛民必讀嘅文章。

丘光耀 比你班泛民更知道乜叫 be water

喺香港,唔興亦武亦文,但喺美國同南洋嘅華人社會,亦文亦武係正當,香港有一個嚟自美東嘅曾俊華,南洋有一個練截拳道嘅 丘光耀 。如果啲左膠認為曾俊華好evil,你班友梗係唔知馬來西亞前首相敦馬哈迪係乜嘢料,一個曾經公然歧視華人,濫用《內部安全法令》(internal security act)拉林吉祥父子坐冤枉監嘅人,大馬好多民主法治,都係呢條友一手破壞。如果香港泛民要支持曾俊華呢個唔係咁evil嘅less evil都諗餐死,我諗,呢班友唔適合喺馬來西亞生存。

但依家敦馬哈迪,同民主行動黨,甚至佢以前嘅仇家同一陣線, 丘光耀 係點分析呢個結盟

作為歷史學者,從人性出發,我相信絕大多數人,尤其到了晚年,承受風險的能力會越來越低,往往都會趨向保守,選擇往抵抗力最小的道路走,不是嗎?但馬哈迪卻偏偏反其道而行。

即便你不相信馬哈迪有改革的「誠意」,或懷疑他有不可告人的「動機」,但你不能用「動機」來否定他確實能在馬來社會發揮攻擊納吉和巫統的強大戰鬥力,而這正是希望聯盟在馬來甘榜所欠缺的客觀條件。

為了不讓馬來西亞民主化的巨輪走回頭路,連蹲在黑牢裡的安華都願意和馬哈迪和解,就連曾被馬哈迪祭出「內安法令」投入冤獄的林吉祥和林冠英都願意和馬哈迪聯手,他們都可以放下,請問你還執著些什麼?

馬哈迪搞係冤獄,一等一嘅冤獄,安華同林吉祥父子都可以放低,我想問朱江瑋呢啲撚樣,你執著啲乜,我都未同你計梁耀忠果條數。

丘光耀 本身都精通中國現代史,佢呢段尤其寫到獨到精辟

左派不是有統一戰線的理論和實踐嗎?在國統區工作的周恩來有一句名言,「交朋友是為了孤立敵人」,單靠毛澤東的游擊戰術只能殲滅國民黨軍隊,但統戰之道才能俘虜各民主黨派知識分子的人心。

再則,右派的孫中山,為了推翻清朝,還不是什麼黨派都巴結利用,從早期的洪門、小刀會、日本黑龍會、日本政府,南洋華僑、英美勢力到晚年「聯俄容共」,說明「孫大炮」是多麼靈活,何其善變。在「給定的歷史條件」下,孫中山的戰略部署,最終得以推翻帝制,成為亞洲第一個民主共和國的臨時大總統。

不要證明你比納吉愚蠢!不要對「昔日的馬哈迪」碎碎念,要捉住「當前的馬哈迪」,團結他也好,利用他也罷,一句話,大步向前走!

容我將 丘光耀 文章尾段改寫,作為我對呢位南洋嚟講最有政治謀略嘅人嘅致敬。不要證明你比張曉明愚蠢!不要對「昔日的曾俊華」碎碎念,要捉住「當前的曾俊華」,團結他也好,利用他也罷,一句話,大步向前走!

呢個,就係南洋人嘅政治實用主義,戰略至上,感情擺埋一邊吧。

以下係原文:http://www.orientaldaily.com.my/columns/pl20154291

3 thoughts on “香港泛民當學 丘光耀

  1. 馬來西亞《東方日報》並不是「服務」東馬的。這份報紙是西馬吉隆坡出版,現時並沒有在東馬發行。

發表迴響

你的電子郵件位址並不會被公開。 必要欄位標記為 *