popvote-a-min

係時候去 Popvote 投票

雖然我投咗 popvote ,但本來我無諗過呼籲大家去投 popvote ,雖然 telegram bot係安全,但依家民意好清晰,仲投 popvote 嚟做乜。只不過,依家竟然有契丹黑客走上嚟攻擊 popvote ,但又未至於癱瘓投票系統,我覺得係另一個可能,我呼籲大家儘早投票,因為可能係中聯辦想利用 popvote 搞假民意,如果係嘅話都幾弊。

popvote 變成中聯辦扭曲戰局嘅最後希望

要了解突然有hacker浪費光陰對 popvote 有興趣,要了解呢幾個嘅戰局變化,包括林鄭月娥點解唔敢出現一啲群眾為主嘅活動,同曾俊華構成強烈反比。

呢兩日林鄭月娥完全唔敢展開任何輿論攻勢,因為依家係一街都係游擊隊,有兩個問題上,林鄭月娥遇到周圍都係冷槍,一個係我搵出嚟嘅居歐權議題,到依家林鄭月娥仍然未有任何正式聲明回應我嘅睇法,係咁叫啲澳門同香港嚟五毛嚟搞事,當然呢個問題係法律問題,會絕對連繫到未來嘅官司,所以佢唔敢開槍。跟住佢同高級公務員嘅關係問題,先來楊立門問題,跟住係蘋果日報嘅匿名信,跟住係《明報》報嘅謝曼怡問題,再嚟劉細良以前政府高官身份放槍,呢個問題上係一街都係狙擊手,林鄭月娥繼續喺呢個位正面衝突又係死。仲未計天水圍放飛機事件嘅關公災難,係咁多不利因素下,依家中聯辦係證明唔到,林鄭月娥係一個合適嘅人選,唔通真係咁樣叫習近平硬食呀?唔係嘛。所以中聯辦,一定要搵方法去證明,林鄭月娥係得到香港嘅民意支持,其他嘢都係薯片陣營營造嘅幻象。而 popvote ,大家都唔想理嘅 popvote 成為最後救命草,只要中聯辦搵身份證號碼generator,以及一堆太空卡亂撞,由於依家投票人數少,就好容易造馬造到係林鄭月娥得到好大支持,咁樣中聯辦就可以交差,順理成章叫果四百幾張「鐵」票投俾林鄭月娥,解除威脅。

要破中聯辦呢個陰謀,唯一方法係參與 popvote 呢個遊戲,一方面大大增加投票基數,另一方面,如果有身份證俾中聯辦「generate」咗偷票,都可以查到邊啲仆街做。

基於捉hacker嘅原因,大家都係去陪戴妖癲多一次咁多。

發表迴響

你的電子郵件位址並不會被公開。 必要欄位標記為 *