謝曼怡-min

謝曼怡 事件:林鄭月娥想點回應?

林鄭月娥同政務官圈子人緣差嘅問題,林鄭月娥越否認越難解畫。《明報》開名指, 謝曼怡 曾經被林鄭月娥鬧到喊。前中央政策組全職顧問劉細良,更加爆林鄭月娥有control freak,竟然以辭職迫當年嘅政務司司長唐英年收番暫緩對付僭建嘅決定。基本上,依家係成村政府官員,都想郁林鄭月娥咁滯。

謝曼怡 係一位盡責官員

由於小弟都一直喺IT界政策層面,同政府保持接觸,所以多少都知 謝曼怡 嘅做嘢作風, 謝曼怡 唔算係好能幹嘅政務官,同楊立門比實差少少,但係講道理,肯溝通嘅人,咁樣林鄭月娥都要迫到佢喊,EQ唔得果個,一定唔係 謝曼怡 囉,好明顯問題出自林鄭月娥。因為林鄭月娥,你同佢講乜都係耳邊風,even林鄭月娥親你上佢官邸食飯都係。 謝曼怡 佢能力範圍裡面,都會解決到嘅。依家林鄭月娥想點回應佢有無迫喊 謝曼怡 嘅問題,林鄭月娥唔係認為《蘋果日報》果封信係老作話,如果對政府運作有啲認知,其實好易判斷到封信堅定流,畢竟香港係一個好細嘅地方。

其實依家對林鄭月娥嘅批評都好厚道,我聽過針對林鄭月娥嘅傳聞,更過份都有,最經典果個傳聞係政府有位女高官,好鍾意向女下屬飛file,如果有人指證呢件事,恐怕唔係一般小事處置,因為向下屬飛file係刑事罪行,無受傷就common assault,有受傷就ABH。不過,呢啲傳聞係無人有證據,大家都係基於尊重選舉法嘅前提下,都無人故意提出嚟。但楊立門點解走, 謝曼怡 有無被迫喊呢啲事,相信好多人都有權知,因為呢個關乎林鄭月娥同公務員隊伍嘅關係,因為林鄭月娥根本駕馭唔到公務員系統,甚至有大批公務員會因林鄭月娥而出走,亦即係政府真係會空轉,呢件事嚴重過立法會空轉好多,林鄭月娥唔係以為升晒成班擦佢鞋嘅政務官,就可以解決問題嘛,好多擦林鄭月娥鞋嘅政務官,喺政府內外都風評甚差,咁玩法真係成個政府被玩殘都似。

如果中聯辦以為咁樣可以乘勢操縱香港政府,張曉明就做硬千古罪人,雖然呢條仆街,似乎要真係出洗頭艇至知個死字點寫。

發表迴響

你的電子郵件位址並不會被公開。 必要欄位標記為 *