曾俊華-旺角-min

曾俊華 入旺角都唔怕反映啲乜

當林鄭月娥話攰,唔敢出天水圍果陣,喺3月19日選委論壇前夕, 曾俊華 一口氣去大圍、荃灣、旺角同尖沙咀爭取群眾支持,而 旺角 最受關注,因為九龍西選區基本上係本土-泛民嘅stronghold, 曾俊華 喺朗豪坊受嘅歡迎,同大明星係不遑多讓。如果林鄭月娥落去旺角,香港眾志班友唔狙擊你,都大把市民自發狙擊你,問你居歐權問題(係,到依家都唔回應,搵個用i-cable IP,經常喺hket.com出現嘅五毛搗亂,原來中聯辦搵阿伯做五毛,果條友嘅IP係61.10.132.79,大家可以Block咗佢),同公務員合作問題。

曾俊華 入旺角都咁受歡迎,呢個就係民意嘅展現,如果大家再去埋popvote投票(依家個telegram bot安全),北京見到呢個民意,係必須要有所回應,唔能夠以為有解放軍同差佬大晒。

唔選 曾俊華 後果好嚴重

好老實講,就算依家係真普選,以依家嘅民意氣勢, 曾俊華 都會狂贏對手,泛民陣營裡面,除非出陳方安生,否則無人有可能贏到依家嘅 曾俊華。呢啲民意係無得做出嚟,你估林鄭月娥,長期依賴中聯辦養果啲五毛搞事,以為咁樣可以爭取到民意嘅支持。依家係泛民、唔少本土(有部分信熱普城信到傻咗嘅另計)、自由黨、新民黨甚至部分土共嘅公約數,都係 曾俊華 。如果北京能夠順應民意,未來五年,北京同香港之間,仲有時間傾一個Deal出嚟,大家都有可能達致雙贏。但如果依家個勢下,林鄭月娥咁贏特首,首先呢個政府係無公信力,另一方面,香港一係走向假立憲後嘅大清帝國,溫和派變晒革命黨,但大清帝國立憲派都唔係咁激進,最驚係香港變咗1918年嘅愛爾蘭,愛爾蘭議會黨(IPP)全部仆街,新芬黨控制晒南部咁多個郡,然後全城變晒賭撚。當年強到大英帝國咁,都應付唔到咁多賭撚衝出嚟,1921都係要俾愛爾蘭南部離開,更何況依家中國隨時支爆,你覺得你依家中國有蔣介石228咁好抽。更何況香港有咁多歐美國民,連林鄭月娥都有居歐權,你成棚高幹都有西方居留權喇,係咪?

曾俊華 可以唔駛差佬保護入旺角仲咁受歡迎,北京應該呢個政治訊號代表乜,呢個已經同造勢大會無異。

2 thoughts on “曾俊華 入旺角都唔怕反映啲乜

  1. 我夠膽講,就算特首選舉係陳方安生/余若薇 同薯片隻揪,全民投票或選委投票都係薯片羸。

發表迴響

你的電子郵件位址並不會被公開。 必要欄位標記為 *